Վարչապետ Նիկոլ Փաշինյանի՝ Վրաստան պաշտոնական այցի առաջին օրը ավարտվեց Թբիլիսիի քաղաքային խորհրդի շենքում կազմակերպված ընդունելությամբ՝ նվիրված Հայաստանի Հանրապետության հռչակման 100-ամյակին: Մինչ այդ Թբիլիսիի Երիտասարդության տանը, որը եղել է ցարական Ռուսաստանի փոխարքայության պալատը և մի կարճ ժամանակ՝ Անդրկովկասյան Սեյմի գումարման վայրը, բացվեց ցուցատախտակ՝ նվիրված Հայաստանի Հանրապետության անկախության հռչակման 100-ամյակին: Վարչապետ Փաշինյանը այցելեց նաև Խոջիվանքի Պանթեոն, ծաղիկներ դրեց Ամենայն հայոց բանաստեղծ Հովհաննես Թումանյանի, վիպասան Րաֆֆու և դրամատուրգ Գաբրիել Սունդուկյանի շիրիմներին: Նա այցելեց Վիրահայոց թեմի առաջնորդանիստ Սուրբ Գևորգ եկեղեցի, ծաղիկներ դրեց Սայաթ Նովայի ավանդական շիրիմին, ելույթ ունեցավ եկեղեցու բակում հավաքված բազմության առաջ: Թբիլիսիից՝ ՍիվիլՆեթի Թաթուլ Հակոբյանի և Արմեն Մկրյանի տեսանյութը:
-
Իրանը «հարգանքով է մոտենում» Հայաստանի և Ադրբեջանի միջև սահմանային համաձայնությանը
Մենք հարգում ենք սահմանազատման հանձնաժողովների նիստում Ադրբեջանի և Հայաստանի միջև ձեռք բերված պայմանավորվածությունները, հայտարարել է Իրանի ԱԳՆ մամուլի խոսնակ Նասեր Քանանին, փոխանցում է իրանական Irna գործակալությունը։ «Հարավային Կովկասում կայուն խաղաղության և կայունության հաստատման համար անհրաժեշտ է շարունակել սահմանային խնդիրները լուծելու կողմերի ջանքերը՝ հիմնվելով խաղաղ մեթոդների վրա և երկու երկրների կողմից միմյանց ինքնիշխանության և տարածքային ամբողջականության հարգանքի շրջանակներում»,- ասել է Քանանին։ Քանանին նաև հայտարարել է, որ Հարավային Կովկասի անվտանգությունը Իրանի դիվանագիտական համակարգի և հարակից այլ կառույցների կարևոր առաջնահերթություններից է, և այդ խնդիրն ազդում է տարածաշրջանի անվտանգության վրա։ «Օտարերկրյա ռազմական ներկայությունը չի նպաստում խաղաղությանը, կայունությանը, անվտանգությանը և տարածաշրջանի երկրների շահերի ապահովմանը։ Կովկասյան […]
-
Խաղաղապահները Գորիսում և Սիսիանում են՝ տեղակայման վայրերը փակելու համար. ԱԽ
ԼՂ ռուս խաղաղապահ զորախմբի մի խումբ զինծառայողներ և ավտոշարասյուն ուղևորվել են Գորիսի և Սիսիանի ժամանակավոր տեղակայման վայրեր դրանց փակման աշխատանքները կազմակերպելու համար: «Արմենպրես»-ի հարցին ի պատասխան՝ այս մասին ասել է ՀՀ անվտանգության խորհրդի քարտուղար Արմեն Գրիգորյանը: – Սոցիալական ցանցերում եւ լրատվամիջոցներում շրջանառվում է մի տեսանյութ, համաձայն որի ԼՂ-ում տեղակայված ռուս խաղաղապահների ավտոշարասյունը Հակարի կամրջով մտել է ՀՀ տարածք եւ շարժվել դեպի Գորիս: Ո՞րն է այս տեղաշարժի նպատակը: – ԼՂ-ում տեղակայվելու և խաղաղապահ գործունեություն ծավալելու համար ՌԴ խաղաղապահ զորախբմին ՀՀ կառավարության կողմից ժամանակավոր տեղակայման վայրեր են հատկացվել Գորիսում և Սիսիանում: Տեղանքը ընտրվել էր այդ թվում Լաչինի միջանցքի բնականոն գործունեությունն ապահովելու նպատակադրմամբ: […]
-
Հարցի պատասխանը չունեմ՝ ինչու ենք մնում ՀԱՊԿ անդամ․ Նիկոլ Փաշինյան
Վարչապետ Նիկոլ Փաշինյանը հարցազրույց է տվել բրիտանական լրատվամիջոցների ներկայացուցիչներին։ ՍիվիլՆեթը Փաշինյանի խոսքից առանձնացրել է մի քանի հատվածներ։ Ենթավերնագրերով բաժանումները ՍիվիլՆեթինն են։ «Ադրբեջանը շատ ագրեսիվ է արձագանքում Հայաստանի զինված ուժերի բարեփոխումներին» Ընդհանուր առմամբ, կարծում եմ, որ խաղաղության հաստատումը միջազգային հանրության և նաև ներդրողների հետաքրքրությունների տիրույթում են: Բայց, իհարկե, ես ուզում եմ արձանագրել, որ խաղաղության առաջին շահառուն հենց Հայաստանն ու Ադրբեջանն են: Եվ այս տեսական թեզը, որը, իհարկե, շատ տեսական է հնչում, քայլ-քայլ կարող է ստանալ առարկայական արտահայտություն: Հատկապես կարևոր է, որ վերջին հինգ ամսում մենք երկու խոշոր համաձայնություն ենք ձեռք բերել Ադրբեջանի հետ: Եվ դա նրա արտահայտությունն է, որ ի վերջո […]
-
«Երկար սպասված իրադարձություն»․ ադրբեջանական արձագանքները՝ գյուղերի շուրջ համաձայնությանը
Միջազգային խոշոր դերակատարները ողջունել են ապրիլի 19-ին հայ-ադրբեջանական սահմանազատման հանձնաժողովի արդյունքները։ Հայտարարությամբ է հանդես եկել նաև Թուրքիայի ԱԳՆ-ն։ ՍիվիլՆեթն ամփոփել է ադրբեջանական արձագանքները քաղաքական այս պայմանավորվածությանը։
-
Ապրիլի 22-ին միակ մարդատար մոլորակը նշում է իր օրը
Ապրիլի 22-ին Երկիր մոլորակը նշում է իր օրը։ Armenian Tree Project-ն այս օրվա կապակցությամբ կազմակերպեց ծառատունկ Զվարթնոց մշակութային արգելոցում։ Ծառատունկին մասնակցում էին նաև Հայաստանում ԱՄՆ, ԵՄ, Չեխիայի դեսպաններն ու Արգենտինայի գործերի ժամանակավոր հավատարմատարը։
-
Փաշինյանն ու Կլաարը քննարկել են սահմանազատման գործընթացը, խաղաղության պայմանագիրը
Վարչապետ Նիկոլ Փաշինյանն ընդունել է Հարավային Կովկասի ու Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարին, հայտնում են վարչապետի աշխատակազմից։ Հանդիպմանն անդրադարձ է կատարվել տարածաշրջանային իրավիճակին, Հայաստանի և Ադրբեջանի միջև խաղաղության պայմանագրի շուրջ բանակցություններին, սահմանազատման գործընթացին: Քննարկվել են նաև Հայաստան-Եվրոպական միություն համագործակցությանն ու դրա հետագա զարգացմանը վերաբերող հարցեր: «Տոյվո Կլաարը ևս մեկ անգամ նշել է, որ ԵՄ-ն լիովին աջակցում է Հայաստան-Ադրբեջան բանակցային գործընթացին՝ համապարփակ ու տևական կարգավորման նպատակով, ինչպես նաև 1991-ի Ալմա-Աթայի հռչակագրի հիման վրա սահմանազատման գործընթացը մեկնարկի պայմանավորվածությանը»,- ասված է հաղորդագրությունում։ Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը։ Ըստ Հայաստանի ԱԳՆ-ի՝ հանդիպման […]
-
Պուտինը «շատ զգայուն է» որակել անվտանգային իրավիճակը Հարավային Կովկասում
Ռուսաստանի նախագահ Վլադիմիր Պուտինը ապրիլի 22-ին Մոսկվայում Ադրբեջանի ղեկավար Իլհամ Ալիևի հետ հանդիպմանը «շատ զգայուն է» որակել անվտանգային իրավիճակը Հարավային Կովկասում։ «Կխոսենք նաև տարածաշրջանում անվտանգության առումով ստեղծված իրավիճակի մասին։ Հարցերն այստեղ շատ են, դրանք շատ զգայուն են»,- հանդիպման հրապարակային մասում ասել է Պուտինը, փոխանցում է ՏԱՍՍ-ը։ Ալիևը նշել է, որ Ռուսաստանը կարևոր երկիր է Հարավային Կովկասի տարածաշրջանային անվտանգության ապահովման առումով։ «Տարածաշրջանային անվտանգության հարցերը մշտապես մեր հանդիպումների օրակարգում են։ Մենք ուրախ ենք, թե ինչպես են դրանք լուծվում։ Ռուսաստանը կարևոր երկիր է Կովկասում տարածաշրջանային անվտանգության և ավելի լայն աշխարհագրության առումով։ Մեր երկրների փոխգործակցությունից շատ բան է կախված»,- ասել է նա։
