ՀՀ վարչապետ Նիկոլ Փաշինյանը չի ընդունել աշխատանքի և սոցիալական հարցերի նախարար Մանե Թանդիլյանի հրաժարականի դիմումը․ այս մասին նա հայտարարեց կառավարության այսօրվա նիստին, որին մասնակցում է նաև Թանդիլյանը։
Փաշինյանի խոսքով՝ իրենք որոշել են շարունակել համատեղ աշխատանքը։ Բացի այդ, պետք է համատեղ աշխատեն այն խնդրի վերաբերյալ, որը բուռն քննարկման տեղիք է տալիս:
Մանե Թանդիլյանը հրաժարական էր ներկայացրել հունիսի 12-ին։ Որոշման պատճառը եղել է կուտակային կենսաթոշակային համակարգի պարտադիր բաղադրիչը։
Ազգային ժողովը երեկ առաջին ընթերցմամբ ընդունեց «Կուտակային կենսաթոշակների մասին» օրինագիծը։
