Երևանի ավագանու ՀՀԿ խմբակցության անդամ Ռուզաննա Սիրունյանը «Հայկական ժամանակ» թերթի հետ զրույցում հաղորդել է, որ Երևանի քաղաքապետ Տարոն Մարգարյանը շնորհակալություն է հայտնել Հանրապետական խմբակցության անդամներին համատեղ աշխատանքի համար։
Հարցին, թե ինչի՞ համար էր շնորհակալություն հայտնում, Ռուզաննա Սիրունյանը պատասխանել է, որ «չի կարող ասել, կարծում է, որ ինքը կհայտարարի դրա մասին»:
Վերջին ժամերին մամուլում լուրեր են շրջանառվում Երևանի քաղաքապետ Տարոն Մարգարյանի հրաժարականի մասին։ Պաշտոնական որևէ հայտարարություն դեռ չի արվել։
