Ավելի քան 1000 մարդ Արցախից գալիս է Երևան՝ մասնակցելու հանրահավաքին

Այսօր՝ օգոստոսի 17-ին, ավելի քան 1000 մարդ Արցախից գալիս է Երևան՝ մասնակցելու վարչապետ Նիկոլ Փաշինյանի հրավիրած հանրահավաքին, այս մասին հաղորդում է «Արցախպրես»-ը:

«Հանուն Արցախի» երիտասարդական, հասարակական կազմակերպության նախագահ Գոռ Բալասանյանն ասել է, որ նախաձեռնությունը պատկանում է իրենց կազմակերպությանը, որին աջակցել է «Ազատ հայրենիք» կուսակցության երիտասարդական թևը:

«Հանրահավաքին կմասնակցեն երիտասարդներ Արցախի տարբեր շրջաններից: Մեր նպատակն է Հայաստան-Արցախ-Սփյուռք կապը պահպանելն ու ամրապնդելը»,- ասել է Բալասանյանը: