Երևանի Վերնիսաժում կարելի է գտնել Հայաստանի Թավշյա հեղափոխությունը խորհրդանշող ամենատարբեր իրեր։ Լուսանկարները՝ Սարգիս Բուլղադարյանի։
Հեղափոխությունը՝ Վերնիսաժում. ֆոտոշարք
-
Արցախում հայտնաբերվել է անհայտ հանգամանքներում զորամասը լքած ՊԲ զինծառայողի դին
Արցախի պաշտպանության բանակը հայտնում է, որ հայտնաբերվել է անհայտ հանգամանքներում զորամասը լքած զինծառայողի դին։ «Հուլիսի 31-ին՝ ժամը 11:30-ի սահմաններում, որոնողական աշխատանքների արդյունքում, հյուսիսային ուղղությամբ տեղակայված զորամասերից մեկի մշտական տեղակայման վայրից 2.5 կմ հեռավորության վրա հայտնաբերվել է անհայտ հանգամանքներում զորամասը լքած ՊԲ զինծառայող 1998թ. ծնված Պարգև Նվերի Մարգարյանի դին»,- ասվում է հաղորդագրությունում։ Դեպքի մանրամասները պարզելու համար կատարվում է քննություն:
-
Հայաստանում վերցված 30 նմուշից 25-ում հայտնաբերվել է «Դելտա» շտամը, 4-ում՝
Հայաստանում շրջանառվում է «Դելտա» շտամը, հաղորդում է առողջապահության նախարարությունը։ «Հիվանդությունների վերահսկման և կանխարգելման ազգային կենտրոնը, Հայ–ռուսական Սլավոնական համալսարանը և Գիտությունների ազգային ակադեմիայի մոլեկուլային կենսաբանության ինստիտուտը միասին իրականացրել են COVID-19-ի ՊՇՌ դրական արդյունքով պացիենտների նմուշների մոլեկուլյար-գենետիկ հետազոտություն: Ընդհանուր վերցված 30 նմուշից 4-ում հայտնաբերվել է բրիտանական շտամը, իսկ 25-ում՝ «Դելտա» շտամը»,- ասվում է հաղորդագրությունում։ Հայաստանում օգոստոսի 1-ին կատարվել է 4 224 թեստավորում, որից հաստատվել է կորոնավիրուսի 137 նոր դեպք, այսինքն, դրական է թեստերի 3,2 տոկոսը։ Գրանցվել է մահվան 2 դեպք: Կորոնավիրուսային հիվանդությամբ այս պահին փաստացի բուժում է ստանում 4 600 պացիենտ:
-
Նիկոլ Փաշինյանը նշանակվեց վարչապետ
Նախագահ Արմեն Սարգսյանի հրամանագրով Նիկոլ Փաշինյանը նշանակվել է Հայաստանի վարչապետ։ «Հիմք ընդունելով Սահմանադրության 149-րդ հոդվածի 1-ին մասը. Նիկոլ Փաշինյանին նշանակել վարչապետ»,- ասված է հրամանագրում։ Ավելի վաղ «Քաղաքացիական պայմանագիր» խմբակցության քարտուղար Նազելի Բաղդասարյանը Ֆեյսբուքի իր էջում գրել էր, որ խմբակցությունը վարչապետի պաշտոնում առաջադրել է Նիկոլ Փաշինյանին։ «Հանրապետության նախագահը նորընտիր Ազգային ժողովի լիազորությունների ժամկետն սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին: Հայաստանի վարչապետի պաշտոնում՝ Նիկոլ Վովայի Փաշինյան»,- գրել էր Բաղդասարյանը։
-
Լարված իրավիճակ՝ նոր ԱԺ-ում. «Հայաստան» դաշինքը պահանջում է ազատ արձակել
Օգոստոսի 2-ին ութերորդ գումարման Ազգային ժողովի առաջին նիստին «Հայաստան» դաշինքի անդամները հայտարարեցին, որ պատգամավոր ընտրված իրենց երկու գործընկերները այս պահին խորհրդարանում չեն՝ գտնվելով կալանքի տակ։ Նրանք կոչ արեցին նիստը նախագահողին քայլեր ձեռնարկել, որ Մխիթար Զաքարյանը և Արթուր Սարգսյանը ազատ արձակվեն ու գան խորհրդարան։ «Քաղաքացիական պայմանագրից» առարկեցին, որ նրանց նկատմամբ քրեական հետապնդումը սկսվել է մինչև պատգամավորի մանդատ ստանալը։
-
Ծեծի են ենթարկել և դանակահարել են Երևանի ավագանու «Իմ քայլի»
Դիմակավորված անձինք ներխուժել են Երևանի ավագանու «Իմ քայլը» խմբակցության անդամ Արման Անտոնյանի տուն, ծեծի են ենթարկել և դանակահարել են նրան։ Անտոնյանի վիճակը ծայրահեղ ծանր է։ Այս մասին Ֆեյսբուքի իր էջում գրել է «Իմ քայլը» խմբակցության քարտուղար Արմեն Գալջյանը։ «Օգոստոսի 1-ին՝ գիշերը ժամը 1։00-ի մոտակայքում մի քանի դիմակավորված անձինք մահակներով և դանակներով ներխուժել են Երևանի ավագանու «Իմ քայլը» խմբակցության անդամ Արման Անտոնյանի Կոտայքի մարզում գտնվող տուն, դաժան ծեծի են ենթարկել և դանակահարել են նրան։ Արման Անտոնյանի վիճակը գնահատվում է ծայրահեղ ծանր, հարուցվել է քրեական գործ։ Նախնական գնահատականով կատարվածը կարող է կապ ունենալ Արման Անտոնյանի ավագանու գործունեության հետ, այլ մանրամասներ այս պահին […]
-
Հայաստանում կստեղծվի ուղեղի գերազանցության կենտրոն
Երևանի Մ. Հերացու անվան պետական բժշկական համալսարանում (ԵՊԲՀ) միջազգային չափանիշներին համապատասխան գիտահետազոտական և կրթական կենտրոն է ստեղծվում։ Այս մասին հայտնում է կրթության, գիտության, մշակույթի և սպորտի նախարարությունը։ «Կենտրոնը կարող է դառնալ հիմնարար գիտության զարգացման գերազանցության հարթակ և մրցունակ լինել եվրոպական նմանատիպ լավագույն լաբորատորիաների հետ։ Կենտրոնի ստեղծումը կնպաստի բուհի ռազմավարության և գիտության զարգացմանն ուղղված հայեցակարգի իրականացմանը, ինչպես նաև նեյրոգիտության ոլորտում նորարարական հետազոտությունների զարգացմանը»,- ասվում է հաղորդագրությունում։ ԵՊԲՀ-ի գիտության գծով պրոռեկտոր, դրամաշնորհային ծրագրի ղեկավար, պրոֆեսոր Կոնստանտին Ենկոյանը ներկայացրել է ծրագրից ակնկալվող արդյունքները և հետագա նպատակները։ Նրա խոսքով՝ Երևանի պետական բժշկական համալսարանի գիտական առաջնահերթությունների շարքում իր ուրույն տեղն է զբաղեցնում նեյրոգիտությունը, որն այժմ […]
-
Հաստատվել է կորոնավիրուսի 137 նոր դեպք, մահացել է 2 մարդ
Հայաստանում օգոստոսի 1-ին կատարվել է 4 224 թեստավորում, որից հաստատվել է կորոնավիրուսի 137 նոր դեպք, այսինքն, դրական է թեստերի 3,2 տոկոսը։ Այս մասին տեղեկացնում է առողջապահության նախարարությունը։ Առողջացել է 147 մարդ։ Գրանցվել է մահվան 2 դեպք: Օգոստոսի 2-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 230 476 դեպք, որոնցից 220 133-ն` առողջացած, 4 621-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4 600 պացիենտ: Ընդհանուր առմամբ, կատարվել է 1 350 559 թեստավորում: Ըստ Worldometer առցանց թարմացվող կայքի տվյալների՝ կորոնավիրուսի ցուցանիշներով աշխարհի երկրների շարքում Հայաստանը զբաղեցնում է 80-րդ տեղը՝ 230 339 դեպքով։ Վրաստանը գտնվում է 55-րդ տեղում՝ 422 188 […]
-
Հայաստանում կորոնավիրուսի դեմ պատվաստվել է 171 890 մարդ
COVID-19-ի դեմ պատվաստումների մեկնարկից ի վեր օգոստոսի 1-ի դրությամբ` կատարվել է 171 890 պատվաստում, որից առաջին դեղաչափ` 120 285, երկրորդ դեղաչափ` 51 605։ Այս մասին հայտնում է Հայաստանի առողջապահության նախարարությունը։ Հայաստանում պատվաստումներ իրականացվում են «ԱստրաԶենեկա», «Սպուտնիկ-Վի» և «Կորոնավակ» պատվաստանյութերով։ Կարող են պատվաստվել 18 և բարձր տարիքի անձինք՝ ըստ դիմելիության, կամավորության սկզբունքով։ «Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը։ Նախապես պետք է զանգահարել նախընտրած պոլիկլինիկա` անկախ կցագրումից, և գրանցվել պատվաստման համար։ Կարող են պատվաստվել նաև օտարերկրյա քաղաքացիները: Պատվաստումներն անվճար են»,- հայտնում են նախարարությունից։