Կանադայի վարչապետ Ջասթին Տրուդոն սեպտեմբերի 24-ին Նյու Յորքում ՄԱԿ-ի կենտրոնակայանում Նելսոն Մանդելային նվիրված խաղաղության գագաթաժողովին ոտնկայս հանդիպում է ունեցել Հայաստանի վարչապետ Նիկոլ Փաշինյանի հետ։ Այս առթիվ Թվիթերում Տրուդոն գրել է․
«Ուրախ էի հանդիպել ձեզ, վարչապետ Փաշինյան։ Անհամբերությամբ սպասում եմ կրկին հանդիպելու ձեզ հաջորդ ամիս՝ Ֆրանկոֆոնիայի գագաթաժողովին»։
Nice to see you PM @nikolpashinyan – looking forward to seeing you again at La Francophonie next month! https://t.co/Rhhzbs2d6I
— Justin Trudeau (@JustinTrudeau) September 24, 2018
Հոկտեմբերի 11-12-ին Երևանում անցկացվելու է Ֆրանկոֆոնիայի գագաթաժողով, որին ակնկալվում է բազմաթիվ երկրների ղեկավարների մասնակցությունը։ Երևան են ժամանելու նաև Ֆրանսիայի նախագահ Էմանուել Մակրոնը և Կանադայի վարչապետ Ջասթին Տրուդոն։
