Քիչ առաջ Ազգային ժողովի հատուկ նիստում տեղի ունեցած քվեարկության արդյունքում Նիկոլ Փաշինյանը չստացավ բավարար ձայներ վարչապետ ընտրվելու համար։ Նրա թեկնածությանը կողմ և դեմ չքվեարկեց ոչ մի պատգամավոր, ձեռնպահ քվեարկեց 13 պատգամավոր:
Վարչապետի պաշտոնում առաջադրված միակ թեկնածուն Նիկոլ Փաշինյանն էր. նրա թեկնածությունն առաջադրել է «Ելք» խմբակցությունը:
6-րդ գումարման Ազգային ժողովը արձակվում է օրենքի ուժով:
Միջազգային իրավական հարցերով Հայաստանի ներկայացուցիչ Եղիշե Կիրակոսյանը ցինիկ ու անլուրջ է որակել ադրբեջանական կողմի քայլերը, որը փորձում է Արդարադատության միջազգային դատարանում «Հայաստանն ընդդեմ Ադրբեջանի» գործով լսումների ընթացքում հավասարության նշան դնել Հայաստանի ու Ադրբեջանի միջև։ «Արմենպրես»-ի հաղորդմամբ՝ Արդարադատության միջազգային դատարանում լսումների ընթացքում ունեցած ելույթում Եղիշե Կիրակոսյանը հիշեցրեց, որ 2021-ի սեպտեմբերի 16-ին Հայաստանը վարույթ է հարուցել Ադրբեջանի դեմ, քանի որ այդ պետության կողմից ռասսայական խտրականության աղաղակող քաղաքականություն է իրականացվում ազգությամբ հայերի նկատմամբ։ «Ադրբեջանի երեխաներին դպրոցական դասագրքերում սովորեցնում են ատել և սպանել հայերին։ Պետական լրատվամիջոցները ատելության խոսք են տարածում, պետական պաշտոնյաները կոչ են անում իսպառ վերացնել հայերին։ Դա պետության կողմից թույլատրված համատարած ռասիզմ […]
Սյունիքի մարզի Տաթև համայնքի Տանձատափ գյուղում, 1931 թվականի տվյալներով, ապրել է չորս հարյուրից ավելի մարդ։ Հիմա ընդամենը քսան տնտեսություն կա այստեղ։ Տանձատափցիներն ասում են՝ պատրաստ են ընդունել Արցախից տեղահանվածներին։ ՍիվիլՆեթի հետ զրույցում գյուղի բնակիչները կիսվում են իրենց մտահոգություններով ու ցանկություններով։
Քննչական կոմիտեում քննվող քրեական վարույթի շրջանակում առողջապահության նախարարությունում, ինչպես նաև բժշկական կենտրոններից մեկում ընթանում են խուզարկություններ։ Այդ մասին Սիվիլնեթին հայտնել է Քննչական կոմիտեի խոսնակ Գոռ Աբրահամյանը։ Վերջինս չի մանրամասնել, թե ինչ վարույթի մասին է խոսքը։ Վարույթը քննվում է Պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում։ Բժշկական կենտրոնը, որտեղ ԱԱԾ-ն ու Քննչական կոմիտեն խուզարկություն են իրականացնում, «Ուիգմոր»-ն է։ Տեղեկությունը հաստատել է բժշկական կետրոնի հաղորդակցության պատասխանատուներից Աննա Թավաքալյանը։
Արցախցիների համար նախատեսված 40+10 հազար դրամ աջակցության ծրագրի շահառուների շրջանակն ընդլայնվել է, հայտնում է աշխատանքի և սոցիալական հարցերի նախարարությունը։ «Կեցության և այլ ծախսերը հոգալու նպատակով նախատեսված 40+10 հազար դրամ սոցիալական աջակցության միջոցառման շահառուների շրջանակն ընդլայնվել է։ Այսուհետ աջակցությունը կտրամադրվի նաև ԼՂ-ից բռնի տեղահանված ընտանիքներում ծնված երեխաներին, ինչպես նաև 2020-ից հետո Լեռնային Ղարաբաղից տեղահանված ընտանիքների անդամներին։ Միջոցառման շահառու չեն հանդիսանա ԼՂ առանձին շրջաններից տեղահանված ընտանիքների համար բնակարանային մատչելիության ապահովման պետական աջակցության ծրագրի շահառուները»,- ասված է հաղորդագրությունում։ Շահառուների նոր խմբերի դիմումներն արդեն ընդունվում են։ Նախարարությունը նաև ներկայացրել է դիմումի մուտքագրման քայլերի հաջորդականության ուղեցույց։ Սեպտեմբերի 19-ին Ադրբեջանը լայնածավալ հարձակում սկսեց Արցախի դեմ, որը […]
2023-ին ավելի քան 417 մլրդ դրամ է կազմել ապօրինի ծագում ունեցող գույքի բռնագանձման հայցադիմումների ընդհանուր հայցագինը։ Նախորդ տարի հակակոռուպցիոն դատարան է ներկայացվել 71 հայցադիմում։ «Ապօրինի ծագում ունեցող գույքի բռնագանձման մասին» օրենքն ընդունվել է 2020-ի ապրիլի 16-ին և ուժի մեջ մտել նույն տարվա մայիսի 23-ին։ Օրենքի՝ Սահմանադրությանը համապատասխանության հարցն այս պահին Սահմանադրական դատարանում է, սակայն վարույթը կասեցված է։ ՍիվիլՆեթի ինֆոգրաֆիկան՝ այս ինստիտուտի ու վիճակագրության մասին։
Տրանսպորտում ԱԺ «Քաղաքացիական պայմանագիր» խմբակցության պատգամավոր Հակոբ Ասլանյանի հասցեին վիրավորական արտահայտություններ և սպառնալիքներ հնչեցրած քաղաքացին ձերբակալվել է, հայտնում է Քննչական կոմիտեն։ «Ապրիլի 15-ին ոստիկանությունից ստացվել է հաղորդում այն մասին, որ նույն օրը, ժամը 14.10-ից մինչև 14.30-ն ընկած ժամանակահատվածում Երևան քաղաքի Արշակունյաց պողոտա-Ագաթանգեղոս փողոց ընկած հատվածում, երթուղային տրանսպորտում, անհայտ անձը վիրավորական արտահայտություններ է արել և հնչեցրել սպառնալիքներ ԱԺ պատգամավոր Հ․ Ասլանյանի հասցեին՝ իրեն թույլ տալով հակահասարակական վարքագիծ, կոպտորեն խախտելով հասարակական կարգը, ինչպես նաև հասարակական վայրում կատարել է քաղաքական ուժի նկատմամբ թշնամանք տարածող արտահայտություններ»,- տեղեկացնում է ՔԿ-ն։ Հաղորդման հիման վրա նախաձեռնվել է քրեական վարույթ և վիրավորական արտահայտություններ արած քաղաքացին ներկայացվել է վարույթն […]
OC Media Երկուշաբթի ուշ երեկոյան Վրաստանի խորհրդարանի հանձնաժողովը հավանություն է տվել օտարերկրյա գործակալների մասին օրինագծին՝ պայմաններում, երբ տասնյակ հազարավոր ցուցարարներ հավաքվել էին խորհրդարանի մոտ: Բողոքի ցույցերը սկսվեցին վաղ առավոտից մի քանի հարյուր մարդկանց մասնակցությամբ, որոնք մինչև երեկո հասան տասնյակ հազարների: Թեև ոստիկանները շրջափակել էին խորհրդարանի շենքը բոլոր կողմերից և պատրաստի վիճակում ջրցան մեքենաներ ու ձայնային զենքեր ունեին, ցույցերը հիմնականում խաղաղ էին: Երկուշաբթի երեկոյան ոստիկանները ցուցարարներին թույլ չտվեցին մոտենալ խորհրդարանի մուտքերին։ Լուսանկարը՝ Մարիամ Նիկուրաձեի/OC Media։ Անցյալ տարի բողոքի փողոցային ցույցերի պատճառով օրենքից հարկադրված հրաժարվելուց մեկ տարի անց՝ Վրացական երազանք կուսակցությունն ապրիլի 3-ին հայտարարեց, որ օրինագիծը հետ է բերում: Մեկ տարի առաջ […]
Իրանը ապրիլի 14-ի լուսադեմին Իսրայելին պատասխան հարվածներ հասցնելուց հետո գործողությունն ավարտված է համարում, իսկ արդյունքները՝ առավել քան գոհացուցիչ։ Մեծ արդյունքների մասին խոսում են նաև Իսրայելում։ Ընթացիկ լարվածության համատեքստում իրենց մտահոգություններն ու դիրքորոշումն են արտահայտել մի շարք տարածաշրջանային և արտատարածշրջանային ուժեր։ Credits: Ruptly
