ՀՀԿ-ի պատգամավորի թեկնածու Մարգարիտ Եսայանը կարծում է, որ եթե մարդիկ ցանկանում են ապրել ավանդական ընտանիքով, ապա պետք է ընտրեն ՀՀԿ-ին։ Նրա խոսքով՝ Հանրապետականի իշխանության ժամանակ ընտանիքը կամ եկեղեցին պաշտպանող օրինագծերի անհրաժեշտություն չկար։ ՀՅԴ պատգամավորի թեկնածու Արմենուհի Կյուրեղյանը վստահ է՝ ընտրողը Դաշնակցությանը դեկտեմբերի 9-ին չի մերժի։ «Իմ քայլը» դաշինքի թեկնածու Հրաչյա Հակոբյանի խոսքով՝ խորհրդարանական ընտրությունների քարոզարշավին Նիկոլ Փաշինյանը կմասնակցի նույնքան ակտիվ, որքան Երևանի ավագանու ընտրությունների ժամանակ էր։ ՀՀԿ-ի ցուցակով պատգամավոր դարձած Կնյազ Հասանովը Հայաստանի քրդական համայնքի կողմից առաջադրվել է «Իմ քայլը» դաշինքի ցուցակով։ Նա ասում է՝ ազգային փոքրամասնությունների համար «ընդդիմադիր կամ դիմադիր» ուժեր չպիտի լինեն։ ԲՀԿ-ից պատգամավորի թեկնածու Նաիրա Զոհրաբյանի համար առաջնայինն ընտանեկան բռնության կանխարգելումն է, քարոզարշավի ժամանակ նա անդրադառնալու է այդ խնդրին։
-
Ադրբեջանը ստանում է երկուսուկես գյուղ, Հայաստանը՝ անվտանգային ռիսկերի նվազեցում․ ՀՀ
Վարչապետի աշխատակազմի Տեղեկատվության եւ հասարակայնության հետ կապերի վարչությունը պատասխանել է «Արմենպրես»-ի գրավոր հարցերին: Հարց – Պետական սահմանի սահմանազատման հարցերով Հայաստանի եւ Ադրբեջանի հանձնաժողովներն այսօր ունեցած հանդիպումից հետո համատեղ մամլո հաղորդագրություն են տարածել, որում ասվում է, որ նախնական համաձայնեցվել են Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի միջեւ սահմանային գծի հատվածներում սահմանի անցումը: Ի՞նչ է սա նշանակում: Պատասխան – Հայտարարությունը նշանակում է, որ երկու հանձնաժողովները քարտեզի վրա վերարտադրել են վերը նշված գյուղերի միջեւ Խորհրդային Միության ժամանակներում գոյություն ունեցած սահմանները, եւ հաջորդ քայլով այդ սահմանները պետք է ճշտվեն եւ արտահայտվեն […]
-
Հայ-ադրբեջանական սահմանազատման հանձնաժողովները համաձայնեցրել են չորս գյուղերի հատվածները․ ԱԳՆ
Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը, հայտնում է Հայաստանի արտաքին գործերի նախարարությունը։ Ըստ հայկական կողմի հաղորդագրության՝ հանդիպման արդյունքում «կողմերը նախնական համաձայնեցրել են սահմանազատման գործընթացի սկզբնական փուլում սահմանագծի առանձին հատվածները, անմիջականորեն Բաղանիս – Բաղանիս Այրում, Ոսկեպար – Աշաղը Ասկիպարա, Կիրանց – Խեյրումլի և Բերքաբեր – Կըզըլ Հաջիլի բնակավայրերի միջև՝ Խորհրդային Միության փլուզման պահի դրությամբ գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով»։ «Որոշվել է, որ սահմանագծի տվյալ հատվածների նկարագրությունը կազմվելու է հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը պետք է համաձայնեցվի ու ստորագրվի կողմերի միջև մինչև 2024-ի […]
-
Ապրիլի 22-ին Ալիևը կմեկնի Մոսկվա, ապրիլի 26-ին՝ Բեռլին
Ապրիլի 22-ին Ադրբեջանի նախագահ Իլհամ Ալիևը երկօրյա աշխատանքային այցով կմեկնի Մոսկվա՝ ռուսաստանցի պաշտոնակից Վլադիմիր Պուտինի հետ հանդիպման։ Ըստ Կրեմլի հաղորդագրության՝ նախատեսվում է դիտարկել ռուս-ադրբեջանական ռազմավարական գործընկերության ու դաշնակցության զարգացումն ու մտքեր փոխանակել տարածաշրջանային խնդիրների շուրջ։ Իսկ ապրիլի 26-ին Ալիևը կմեկնի Բեռլին՝ հանդիպելու Գերմանիայի կանցլեր Օլաֆ Շոլցի հետ։ Օրակարգում է լինելու արտաքին քաղաքականությանը, անվտանգությանը, տնտեսությանը, էներգետիկային վերաբերող հարցերի քննարկումը։
-
Իրանը չի հաստատում Իսրայելի օդային հարվածի մասին տեղեկությունը
Թեհրանը չի հաստատում տեղեկությունները, թե Իսրայելը օդային հարված է հասցրել Իրանի ուղղությամբ, սակայն նշում է պայթյունի ձայների մասին։ Սպահան քաղաքում Իրանի բանակի ավագ ներկայացուցիչ գեներալ Միհանդուսթը հայտարարել է, որ ապրիլի 19-ի առավոտյան պայթյունի ձայներ են լսվել քաղաքի արևելյան շրջանում, քանի որ Հակաօդային պաշտպանության միջոցները խոցել են կասկածելի օբյեկտներ։ Իրանցի գեներալի համոզմամբ՝ պաշտպանական միջոցառումների իրականացումը երկրին որևէ վնաս չի պատճառել։ Ապրիլի 19-ին ամերիկյան և հատկապես իսրայելական մի շարք առաջատար լրատվամիջոցներ գրեցին, որ Իսրայելը հարվածել է Սպահանի ավիաբազային՝ ի պատասխան ապրիլի 13-ի լույսը 14 գիշերը իրանական «Ճշմարիտ խոստում» օպերացիայի։ Պաշտոնական Թեհրանը վերջին օրերին բարձրաստիճան պաշտոնյաների միջոցով քանիցս հայտարարել է, որ եթե Իսրայելը […]
-
Ռուբեն Վարդանյանը հացադուլ է հայտարարել
Ռուբեն Վարդանյանը հացադուլ է հայտարարել՝ պահանջելով անհապաղ և անվերապահորեն ազատ արձակել իրեն և Բաքվում ապօրինաբար պահվող մյուս հայ բանտարկյալներին։ Վարդանյանի ընտանիքի տարածած հայտարարությունում ասվում է, որ նա հացադուլը սկսել է ապրիլի 5-ին, որը հաջորդել է միջազգային իրավական չափանիշներին համապատասխան, արդար ու թափանցիկ դատավարություն ապահովելու վերաբերյալ Վարդանյանի և նրա փաստաբանի բազմաթիվ դիմումներին։ Հատկանշական է, որ հացադուլն սկսելուց հետո դադարեցվել են ընտանիքի հետ նրա հեռախոսազանգերը՝ բացահայտորեն խախտելով միջազգային իրավունքի բոլոր նորմերը։ Հարկ է նշել, որ հունվարին սպասվող դատաքննությունն առանց պատճառի տեղափոխվել է մինչև մայիս: «Խորապես մտահոգված եմ հորս առողջությամբ և վիճակով: Ավելի քան 200 օր մենք չենք տեսել նրան: Ապրիլի 5-ից՝ հացադուլն […]
-
Խաղաղապահների հեռացումը չի վնասել Ռուսաստանի կենսական շահերը
Լեռնային Ղարաբաղից ռուսաստանյան խաղաղապահ առաքելության դուրսբերումը որևէ վնաս չի հասցրել Ռուսաստանի կենսական շահերին, այլ հանգեցրել է ազդեցության խորհրդանշական կորստի, նշում է Քաղաքակրթական և մշակութային հետազոտություններ կենտրոնի գիտաշխատող, Ռուսաստանի հարցերի փորձագետ Նարեկ Սուքիասյանը ՍիվիլՆեթի հետ հարցազրույցում։ Նա վերլուծում է Կովկասում Ռուսաստանի քաղաքականությունը՝ նշելով, որ Մոսկվան լուրջ խնդիր է համարում տարածաշրջանում Արևմուտքի ազդեցության աճը։
-
Լավրովը «լկտի» և «անամոթ» է որակել Հայաստանին Ռուսաստանից պոկելու Արևմուտքի
ՌԴ արտաքին գործերի նախարար Սերգեյ Լավրովը «լկտի» և «անամոթ» է որակել Հայաստանին Ռուսաստանից պոկելու Վաշինգտոնի և Բրյուսելի գործողությունները։ Ռուսական մի քանի լրատվամիջոցներին տված հարցազրույցում Սերգեյ Լավրովը, անդրադառնալով հայ-ռուսական ներկա հարաբերություններին, հայտարարել է, որ Հայաստանն ու Ռուսաստանը շարունակում են դաշնակիցներ մնալ։ «Այնուամենայնիվ, մենք Հայաստանի հետ դաշնակիցներ ենք։ Մենք դեռ մեզ դաշնակիցներ ենք համարում։ Մենք իրավաբանորեն ենք դաշնակիցներ, բայց կարծում եմ, որ ոչ միայն իրավաբանորեն։ Այնտեղ [Հայաստանում] կան մարդիկ, որոնք հասկանում են Ռուսաստանի նշանակությունը Հայաստանի անվտանգության և տնտեսական զարգացման հարցում»,- ասել է նա։ Այս համատեքստում Լավրովը մեջբերել է ապրիլի 10-ին ԱԺ-ում վարչապետ Նիկոլ Փաշինյանի ելույթից մի հատված, որտեղ Հայաստանի ղեկավարն ասել է, […]
-
«Բացարձակ ապատեղեկատվություն է». Պետդեպը՝ բրուսելյան պայմանավորվածությունների մասին
ԱՄՆ պետքարտուղարությունը հերքել է ապրիլի 5-ին Բրյուսելում ՀՀ-ԵՄ-ԱՄՆ բարձր մակարդակի հանդիպման վերաբերյալ ադրբեջանական լրատվամիջոցներում տարածված լուրերը, թե իբր եռակողմ բանակցությունների ընթացքում ռազմաքաղաքական պայմանավորվածություններ են ձեռք բերվել ՀՀ-ից ռուսական ռազմաբազայի և սահմանապահների դուրսբերման շուրջ։ Որոշ լրատվամիջոցներ հրապարակել էին անգամ «փաստաթղթի» լուսանկարը: «Այդ փաստաթուղթը բացարձակ ապատեղեկատվություն է, անվտանգության հարցեր օրակարգում չեն եղել։ Կոչ ենք անում ուսումնասիրել ապրիլի 5-ին Բրյուսելում կայացած եռակողմ հանդիպման արդյունքներով ԵՄ-ի և Հայաստանի հետ համատեղ մամուլի հաղորդագրությանը։ ԵՄ-ի և Հայաստանի հետ բրյուսելյան հանդիպումը կենտրոնացած էր բացառապես Հայաստանի տնտեսական դիմակայունության վրա, քանի որ երկիրն աշխատում է իր առևտրային գործընկերությունների դիվերսիֆիկացման և հումանիտար կարիքների լուծման ուղղությամբ, ինչպես նաև աջակցելու Հայաստանի ընթացիկ […]
