Ադրբեջանական դիվերսիոն խմբի կողմից Քարվաճառի շրջանում, 2014-ի ամռանը սպանված 16-ամյա Սմբատ Ցականյանի ծնողները կտրականապես դեմ են, որ մարդասպանները փոխանակվեն այս պահին ադրբեջանական գերության մեջ գտնվող երեք հայերի, մասնավորապես Տավուշի մարզի Բերդավան գյուղի 34-ամյա բնակիչ Կարեն Ղազարյանի հետ։
ՍիվիլՆեթի Թաթուլ Հակոբյանը և Արմեն Մկրյանը այցելել են Նոր Էրքեջ, զրուցել Սմբատի ծնողների հետ:
Նոյեմբերի 20-ի մամուլի ասուլիսին վարչապետի պաշտոնակատար Նիկոլ Փաշինյանը անդրադարձավ Կարեն Ղազարյանի հարցին։ Տավուշի մարզի Բերդավան գյուղի բնակիչ Կարեն Ղազարյանը գերեվարվել է հուլիսի 15-ին՝ անհայտ հանգամանքներում։ Ադրբեջանի կողմից առաջարկ է հնչել փոխանակել գերիներին ու ձերբակալվածներին՝ «բոլորը բոլորի հետ» սկզբունքով։ Ադրբեջանը ցանկանում է վերադարձնել հատկապես Արցախում դիվերսիա իրականացրած և երկու անձի սպանության համար դատապարտված Դիլհամ Ասքերովին և Շահբազ Գուլիևին։ Փաշինյանն անընդունելի է համարում բերդավանցիների բողոքի ցույցը, երբ նրանք նոյեմբերի 17-ին փակել էին Երևան-Թբիլիսի միջպետական ճանապարհը։
