ՀՀ պաշտպանության նախկին նախարար Սեյրան Օհանյանին Մարտի 1-ի գործի շրջանակում մեղադրանք է առաջադրվել, այս մասին գրում է «Հայկական ժամանակ»-ը՝ վկայակոչելով իր աղբյուրները։
Նույն այդ տեղեկություններով, նախկին նախարարը մեղադրվում է ՀՀ քրեական օրենսգքրի 300. 1 հոդվածի հատկանիշներով (Սահամանադրական կարգը տապալելը): Նրա նկատմամբ որպես խափանման միջոց է ընտրվել ստորագրությունը:
ՀՔԾ-ից, սակայն, տեղեկությունները չեն մեկնաբանել։
«Հայկական ժամանակ»-ը լուրը փորձել է ճշտել նաև Սեյրան Օհանյանից, որն ասել է՝ «Դիմեք իրավապահներին, ես չեմ ուզում պատասխանել»։
Սեյրան Օհանյանը 2008 թվականին զբաղեցնում էր ՊՆ Զինված ուժերի գլխավոր շտաբի պետի պաշտոնը։