Ուկրաինայի Ազգային էքզիթփոլի տվյալներով, շոումեն Վլադիմիր Զելենսկին հաղթում է նախագահական ընտրություններում։ Ըստ սոցիոլոգիական հարցումների՝ ժամը 18։00-ի դրությամբ նա հավաքել էր 73,2% ձայն, գործող նախագահ Պետրո Պորոշենկոն՝ 25,3% ձայն։
Զելենսկին ամենաշատ ձայները հավաքել է երկրի արևելյան շրջաններում՝ 87,7%։
Ուկրաինայի նախագահի պաշտոնին ի սկզբանե հավակնել է 39 թեկնածու։
Մարտի 31-ին նախագահական ընտրությունների առաջին փուլի արդյունքներով՝ Զելենսկին հավաքել էր 30% , Պորոշենկոն՝ 16%։
Ելույթ ունենալով շտաբում՝ Զելենսկին հորդորել է նախկին ԽՍՀՄ բոլոր երկրներին նայել Ուկրայինային և համոզվել, որ «դա հնարավոր է»։ Նա խոստացել է, որ երբեք հուսախաբ չի անի ոչ ոքի։
Պորոշենկոն, ըստ ուկրաինական լրատվամիջոցների, ընդունել է պարտությունը և շնորհավորել Զելենսկիին։ Նա հայտարարել է, որ մտադիր չէ հեռանալ քաղաքականությունից։
