ՀՀ գլխավոր դատախազ Արթուր Դավթյանն Ազգային ժողովի նախկին պատգամավոր Միհրան Պողոսյանի և Նարեկ Ալեքսանդրի Սարգսյանի արտահանձնման գործընթացը բնականոն է համարում. այս մասին Դավթյանն ասել է մայիսի 2-ին լրագրողների հետ զրույցում:
«Միհրան Պողոսյանի արտահանձնման գործընթացը բնական ընթացքի մեջ է: Արտահանձնման գործընթացի իրականացման ընթացքում անձը կարող է կոնկրետ երկրում դիմել ապաստան ստանալու խնդրով: Միջազգային իրավական կարգավորումների համաձայն՝ այս գործընթացը գաղտնի է: Այսինքն` այն պետությունը, որին դիմում են, պարտավոր է դա չհրապարակել: Նույն գործընթացն է տեղի ունենում նաև Նարեկ Սարգսյանի արտահանձնման պարագայում»,- ասել է Դավթյանը:
Ապրիլին ՀՀ Դատական ակտերի հնախկին գլխավոր հարկադիր կատարող, ԱԺ նախկին պատգամավոր Միհրան Պողոսյանը ձերբակալվել է Ռուսաստանի Դաշնության Կարելիայի Հանրապետությունում ռուս իրավապահների կողմից։
