Մայիսի 13-ին երկրորդ նախագահ Ռոբերտ Քոչարյանի դատավարության ժամանակ քաղաքացիական ակտիվիստ Վարդգես Գասպարիի և Քոչարյանի աջակիցների միջև տեղի ունեցած միջադեպի փաստով ոստիկանությունում նյութեր են նախապատրաստվում։ Այս տեղեկությունը փոխանցեցին ոստիկանության լրատվության վարչությունից։
Ոստիկանությունից նաև հաղորդեցին, որ Գասպարիի հաղորդման հիման վրա մայիսի 13-ին երեք հոգի բերման է ենթարկվել, իսկ երկուսը՝ հրավիրվել ոստիկանություն։ Հրավիրվածների թվում եղել է նաև «5-րդ ալիք»-ի սեփականատեր Արմեն Թավադյանը:
Սոցիալական ցանցերում երեկ օգտատերերը տարածում էին «Ա1+»-ի տեսանյութը, ըստ որի՝ Արմեն Թավադյանը շիշ է նետել Գասպարիի ուղղությամբ։ Թավադյանը, սակայն, հերքում է այդ վարկածը։
Գևորգ Թոսունյան
