«Սանիթեքը» երկու տարբեր դատական հայցեր է ներկայացրել Երևանի քաղաքապետարանի դեմ՝ պահանջելով շուրջ 65 մլն դրամի գումար բռնագանձել։ Այս մասին տեղեկանում ենք «Դատալեքս» տեղեկատվական համակարգից։
Առաջին հայցը, որը ներկայացրել է «Սանիթեք ինթերնեյշնլ» ընկերությունը, վարույթ է ընդունվել հուլիսի 1-ին։ Հայցվորը պահանջում է քաղաքապետարանից բռնագանձել շուրջ 25 մլն դրամ, երկրորդ դեպքում հայցվոր է «Սանիթեքի» հայաստանյան մասնաճյուղը՝ 40 մլն դրամ պահանջով։
Ընկերության շահերը դատարանում ներկայացնում է փաստաբան Վանիկ Մարգարյանը, որը ՍիվիլՆեթի հետ զրույցում հայցերից մանրամասներ չհաղորդեց՝ ասելով, որ դեռ չունի ընկերության համաձայնությունը։ Նա միայն տեղեկացերց, որ «պայմանագրային վեճ է, ընկերությանը չեն վճարվել կատարված ծառայությունների դիմաց որոշ գումարներ»։
Գևորգ Թոսունյան
