Ադրբեջանի բանակը, խախտելով հրադադարի ռեժիմը, հուլիսի 17-ի գիշերը Նախիջևանի հատվածում կրակոցներ է արձակել հայ դիրքապահների ուղղությամբ։
Լուրը լրատվամիջոցներին հաստատել է պաշտպանության նախարարի մամուլի խոսնակ Արծրուն Հովհաննիսյանը։
«Փամփուշտներից մեկն ընկել է Ելփին գյուղի տներից մեկի կտուրին: Հայկական կողմը պատասխան կրակ է բացել հակառակորդի ուղղությամբ»,-ասել է Հովհաննիսյանը։