ՌԴ Անվտանգության խորհրդի քարտուղարը կայցելի Բաքու

ՌԴ Անվտանգության խորհրդի քարտուղար Նիկոլայ Պատրուշևը սեպտեմբերի 4-ին կմեկնի Ադրբեջան։

Ինչպես հաղորդում է ՌԴ ԱԽ կայքը, Բաքվում Պատրուշևը անցկացնելու է երկկողմ խորհրդակցություններ անվտանգության հարցերով։

«Պատրուշևը հանդիպում է ունենալու Ադրբեջանի ԱԽ քարտուղար Ռամիլ Ուսուբովի հետ։ Հանդիպմանը մասնակցելու են երկու երկրների մի շարք նախարարությունների և գերատեսչությունների ներկայացուցիչներ, որոնք անց են կացնելու ռուս-ադրբեջանական խորհրդակցություններ անվտանգության հարցերով»,- ասված է հաղորդագրությունում։

Օգոստոսի կեսին Նիկոլայ Պատրուշևը աշխատանքային այցով Հայաստանում էր։