Հայաստանի վարչապետ Նիկոլ Փաշինյանը գոհունակություն է հայտնել Ռուսաստանի և Ուկրաինայի միջև ձերբակալվածների փոխանակման վերաբերյալ։
Փաշինյանն այդ առթիվ Թվիթերում անգլերեն գրառում է արել․
«Ուրախ եմ տեղեկանալու Ռուսաստանի և Ուկրաինայի միջև ձերբակալվածների փոխանակման մասին։ Բարձր մակարդակով ձեռք բերված համաձայնությունը, հուսով եմ, բեկում և տևական խաղաղություն կբերի»։
I am happy to learn about the exchange of prisoners recently completed by #Russia and #Ukraine. The agreement reached at the highest level hopefully will bring a breakthrough and lasting peace.
— Nikol Pashinyan (@NikolPashinyan) September 8, 2019
Սեպտեմբերի 7-ին Ռուսաստանը և Ուկրաինան փոխանակեցին երկու կողմում գտնվող ռուսաստանցի և ուկրաինացի ձերբակալվածներին՝ 35-ը 35-ի հետ։ Փոխանակումից հետո Ռուսաստանի և Ուկրաինայի նախագահները հեռախոսազրույց են ունեցել և դրական գնահատել ձերբակալվածների ազատումը, ընդգծել այդ քայլի մարդասիրական կողմը, որը «կարևոր նշանակություն ունի երկկողմ հարաբերություների նորմալացման և առողջացման համար»։
Լուսանկարը՝ Ֆոտոլուրի
Մարիա Եղիազարյան
