Կառավարության սեպտեմբերի 26-ի նիստում որոշում կայացվեց բարձրացնել փրկարարական ծառայողների միջին աշխատավարձը․ այն նախկին 85 000 դրամից կդառնա միջինը 130 000 դրամ։
Կառավարության նիստի օրակարգի ամփոփաթերթում նշված է, որ նախագծի ընդունումը պայմանավորված է փրկարարական, վթարային փրկարարական, անհետաձգելի վթարավերականգնողական և հրդեհաշիջման աշխատանքներ իրականացնող փրկարարական ծառայության կրտսեր խմբում գտնվող ծառայողներին լրացուցիչ հավելումների նախատեսման անհրաժեշտությամբ:
Որոշման ընդունմամբ 2019 թվականի պետական բյուջեում նախատեսվում է 475 802 000 դրամ, իսկ 2020 թվականի պետական բյուջեում նախատեսվում է՝ 1 903 211 160 դրամ ծախuերի ավելացում:
Նախատեսվում է ընդհանուր աշխատավարձի ֆոնդի 29 տոկոսի բարձրացում։
Լիլիթ Աբովյան
