Իռլանդական Ryanair ավիաընկերությունը կսկսի թռիչքներ իրականացնել Հայաստանից Եվրոպա: Այս մասին Քաղաքացիական ավիացիայի կոմիտեի հետ համատեղ ասուլիսին հայտարարեց Ryanair ավիաընկերության կոմերցիոն տնօրեն Դեյվիդ օ Բրայնը։
Չվերթները իրականացվելու են Երևանից և Գյումրիից՝ երեք ուղղություններով՝ Հռոմ, Միլան, ամռանը՝ նաև Բեռլին։
Հռոմ և Միլան՝ հունվարից, Բեռլին՝ ամառվանից։
Բրայնի խոսքով՝ 2020թ․ ամառվանից Գյումրիի օդանավակայանից թռիչքներ կկատարվեն նաև բավարական Մեմմինգեն քաղաք։
Ավիատոմսերի միջին արժեքը, ըստ նրա, կկազմի 35 եվրո: Արդեն այսօր հնարավոր է ամրագրել ավիատոմսերը Ryanair ընկերության կայքում:
«Արմենիա միջազգային օդանավակայաններ» ընկերությունը պատրաստվում է 20 միլիոն դոլարի ներդրում կատարել «Շիրակ» օդանավակայանի արդիականացման համար։
Գեղեցիկ Ոսկանյան
