Աջափնյակում նոր մետրոյի կայարան կառուցելու և այնտեղ ներդրում կատարելու հեռանկարով հետաքրքրված է շվեյցարահայ գործարար, «Ֆրանկ Մյուլլեր» ընկերության նախագահ Վարդան Սրմաքեշը։
Սիվիլնեթի հետ զրույցում Սրմաքեշն ասաց, որ ինքը հետաքրքրված է այդ ծրագրով․
«Կա կառավարություն, կա շինարար, ես էլ հետաքրքրված եմ, աշխատում ենք, որ այդ հարցը լուծենք։ Պիտի որ շահութաբեր լինի, կարևոր է, որ այդ կայարանը աշխատի»։
Երևանի քաղաքապետարանը հայտարարել է Աջափնյակում մետրոյի նոր կայարան կառուցելու նախագծի մասին։ Մետրոյի թունելային հատվածը հիմնվել է խորհրդային տարիներին, սակայն կայարանի շինարարությունը վերջնականացնել չի ստացվել։ Քաղաքապետարանը նոր կայարանի կառուցումը դիտարկում է որպես բիզնես ծրագիր։
Վարդան Սրմաքեշը տեղեկացրել է, որ շինարարական նոր ծրագրեր է սկսելու Գյումրիում։
Տե՛ս նաև՝ Երևանի քաղաքապետի խոսնակը հրապարակել է մետրոյի նոր կայարանի էսքիզը
Մկրտիչ Կարապետյան, Փարիզ