Ադրբեջանն ու Ուկրաինան փոխադարձաբար աջակցում են միմյանց տարածքային ամբողջականությանը․ այս մասին այսօր Բաքվում ճեպազրույցի ժամանակ հայտարարել են երկու երկրների նախագահներ Իլհամ Ալիևն ու Վլադիմիր Զելենսկին։
Վերջինս շնորհակալություն է հայտնել Ալիևին Ուկրաինայի տարածքային ամբողջականությանն աջակցելու համար։ Զելենսկիի խոսքով՝ իր երկիրը շահագրգռված է ադրբեջանական բիզնեսի հետ ավելի սերտ համագործակցությամբ։
Կիևը նաև աջակցում է Հարավային գազային միջանցք նախագծին։ Զելենսկու խոսքով՝ կողմերը պայմանավորվել են ուսումնասիրել դրա ընդլայնման հնարավորությունները։
«Դա շատ կարևոր գործոն է՝ եվրոպական սպառողներին գազի մատակարարման դիվերսիֆիկացումը։ Բացի այդ, պետք է ամբողջությամբ կիրառել մեր երկրների և տարանցիկ բացառիկ պոտենցիալն ու ենթակառուցվածքները»,- նշել է Ուկրաինայի նախագահը։
Նա հրավիրել է Իլհամ Ալիևին Ուկրաինա։
#ՍիվիլՆեթ #Լուրեր