Իրանի արտաքին գործերի նախարար Մոհամմադ Ջավադ Զարիֆը հայտարարել է, որ ԱՄՆ-ի՝ Արևմտյան Ասիայում «չարորակ ներկայության վերջն սկսվել է»: Զարիֆը գրառումն արել է այսօր՝ Բաղդադում օրեր առաջ սպանված իրանցի գեներալ Ղասեմ Սոլեյմանիի հուղարկավորության օրը: Իրանի ԱԳ նախարարը գրառումն ուղեկցել է լուսանկարներով, որոնցում հարյուր հազարավոր մարդիկ դուրս են եկել փողոց՝ հրաժեշտ տալու գեներալին:
«Կյանքումդ երբևէ մարդկության այսպիսի ծով տեսե՞լ ես, Դոնալդ Թրամփ: Դեռ ուզո՞ւմ ես լսել ծաղրածուներին, որոնք քեզ մեր տարածաշրջանի վերաբերյալ խորհուրդներ են տալիս: Դու դեռ մտածո՞ւմ ես, որ կարող ես կոտրել հզոր այս պետության ու ժողովրդի կամքը:
ԱՄՆ-ի՝ Արևմտյան Ասիայում չարորակ ներկայության վերջն սկսվել է»,- գրել է Զարիֆը:
Have you EVER seen such a sea of humanity in your life, @realdonaldtrump?
Do you still want to listen to the clowns advising you on our region?
And do you still imagine you can break the will of this great nation & its people?
End of malign US presence in West Asia has begun. pic.twitter.com/5WzYM9OBuQ
— Javad Zarif (@JZarif) January 6, 2020
ԱՄՆ նախագահ Դոնալդ Թրամփը, որի կարգադրությամբ սպանվել է Ղասեմ Սոլեյմանին, վերջին օրերին բազմաթիվ գրառումներ է անում Իրանի թեմայով: Այսօր նա գրել է, որ Իրանը «երբեք չի ունենալու միջուկային զենք»:
Գրառումը հետևել է Թեհրանի այն հայտարարությանը, որ ինքը «չի հետևելու ուրանի հարստացման ցենտրիֆուգների թվին վերաբերող որևէ սահմանափակումների, իսկ ուրանի հարստացման մակարդակը կհիմնվի երկրի տեխնիկական պահանջների վրա»:
#ՍիվիլՆեթ #Լուրեր
