Իրանը հրթիռակոծել է Իրաքի ռազմաբազաները, որոնցում տեղակայված են ԱՄՆ-ի և նրա դաշնակիցների ուժերը: Թեհրանը հայտարարել է, որ հռթիռակոծությունը գեներալ Ղասեմ Սոլեյմանիի սպանության վրեժն է:
Պենտագոնի գլխավոր ներկայացուցիչ Ջոնաթան Հոֆմանը հայտարարել է, որ Այն Ասադի և Էրբիլի բազաների ուղղությամբ արձակվել է ավելի քան մեկ տասնյակ հրթիռ:
Այս առիթով Իրանի արտաքին գործերի նախարար Մոհամմադ Ջավադ Զարիֆը գրել է Թվիթերում, որ հրթիռակոծությունը «ինքնապաշտպանական համաչափ գործություն է՝ ՄԱԿ-ի Կանոնադրության 51-րդ հոդվածով նախատեսված»: Ըստ նրա՝ թիրախում էր այն բազան, որից իրականացվել է Իրանի քաղաքացիների ու բարձրաստիճան պաշտոնյաների դեմ «ճղճիմ զինված հարձակումը»:
«Մենք էսկալացիայի կամ պատերազմի չենք ձգտում, բայց կպաշտպանվենք ցանկացած ագրեսիայից»,- գրել է Զարիֆը:
Iran took & concluded proportionate measures in self-defense under Article 51 of UN Charter targeting base from which cowardly armed attack against our citizens & senior officials were launched.
We do not seek escalation or war, but will defend ourselves against any aggression.
— Javad Zarif (@JZarif) January 8, 2020
Իսլամական հեղափոխության պահապանների կորպուսը հայտարարել է, որ արձակված հրթիռներից ոչ մեկը չի չեզոքացվել: Ըստ Press TV-ի՝ կան զոհերի վերաբերյալ նախնական հաղորդագրություններ:
Թեմայի շուրջ ավելին՝
Թրամփը խոստանում է անհամաչափ պատասխանել Իրանի հնարավոր հարվածներին
Թրամփը թվիթերյան գրառումներ է անում, սպառնում հարվածել իրանական մշակութային օբյեկտների
Իրաքի խորհրդարանը քվեարկեց երկրից օտարերկրյա զորքերի դուրսբերման օգտին
#ՍիվիլՆեթ #Լուրեր
