Վարչապետ Նիկոլ Փաշինյանը շնորհավորական ուղերձ է հղել Միխայիլ Միշուստինին՝ Ռուսաստանի Դաշնության վարչապետ նշանակվելու կապակցությամբ, հաղորդում է վարչապետի մամուլի ծառայությունը։
«Հայաստանի Հանրապետության կառավարությունը վճռականորեն տրամադրված է ակտիվ համագործակցության Ռուսաստանի Դաշնության նոր կառավարության հետ՝ երկկողմ և բազմակողմ ձևաչափերով գործընկերության հետագա ամրապնդման համար, այդ թվում՝ Եվրասիական տնտեսական միության շրջանակում ինտեգրման խորացման ուղղությամբ:
Վստահ եմ, որ համատեղ ջանքերով մենք կկարողանանք հարստացնել հայ-ռուսական դաշնակցային փոխգործակցության օրակարգը և նոր ազդակ հաղորդել մեր բազմակողմ համագործակցությանը՝ հիմնված մեր երկրների ժողովուրդների բազմադարյա բարեկամության վրա»,- ասված է ուղերձում:
․․․
Միխայիլ Միշուստինը ՌԴ նախագահ Վլադիմիր Պուտինի կողմից վարչապետի պաշտոնում նշանակվել է այսօր՝ Պետդումայի հավանությունը ստանալուց հետո։
Երեկ Ռուսաստանի կառավարությունը՝ Դմիտրի Մեդվեդևի ղեկավարությամբ, հրաժարական էր ներկայացրել, ինչից հետո նախագահ Պուտինը առաջադրել էր Միշուստինի թեկնածությունը։
#CivilNet #News
