Հայ ազգային կոնգրեսի (ՀԱԿ) փոխնախագահ Արամ Մանուկյանը կարծում է, որ վարչապետ Նիկոլ Փաշինյանը ստեղծել է բրգաձև իշխանություն, մինչդեռ այն պետք է լիներ ցանցային, ինչպիսին էր 2018-ի ապրիլյան հեղափոխությունը: ՍիվիլՆեթի Թաթուլ Հակոբյանի հետ զրույցում Մանուկյանը նշում է այն սխալները, որ թույլ է տալիս գործող կառավարությունը, մյուս կողմից ընդունում, որ Փաշինյանը ճակատագրական սխալներ թույլ չի տվել: Մանուկյանը կարևորում է Ղարաբաղյան կարգավորումը և նոր Սահմանադրության ընդունումը, որը երկիրը կդարձնի կիսանախագահական, և ժողովուրդը կկարողանա ուղիղ քվեարկությամբ ընտրել նախագահ:
-
32 վարորդից ոչ ոք դեռ չի վերականգնվել աշխատանքի. 27-ի դիմումները
Շուշան Ստեփանյան, #CivilNetCheck «Երևանի ավտուբուս» ՓԲԸ-ի գործադուլ արած վարորդներից 32-ին ազատել էին աշխատանքից։ Աշխատավարձի բարձրացում և աշխատանքային պայմանների բարելավում պահանջող վարորդներին քաղաքապետարանը հեռացրել էր «աշխատակցի հանդեպ վստահությունը կորցնելու» հիմքով։ Գործադուլի մասնակից վարորդներից մեկը դեկտեմբերի 4-ին լրագրողների հետ զրույցում հայտնել էր, որ «Երևան ավտոբուս» ընկերությունից առաջարկել են աշխատանքի վերականգնման դիմում գրեն. «Մեզ ասացին, որ առավոտյան գանք դիմում գրենք՝ […] աշխատանքի ընդունվելու դիմում»,- ասել էր վարորդը։ #CivilNetCheck-ին Երևանի քաղաքապետարան խոսնակ Հայկ Կոստանյանը հայտնեց, որ դեկտեմբերի 5-ի դրությամբ՝ աշխատանքից հեռացված 32 վարորդից ոչ ոք դեռ չի վերականգնվել։ «32-ից 27-ը դիմում է գրել աշխատանքում վերականգվելու համար, 5-ը՝ սեփական դիմումի համաձայն աշխատանքից ազատման դիմում է […]
-
ԿԽՄԿ ներկայացուցիչներն այցելել են Բաքվում պահվող հայերին
Կարմիր խաչի միջազգային կոմիտեի ներկայացուցիչները Բաքվում այցելել են բոլոր հայ գերիներին, հայտնում է ադրբեջանական APA գործակալությունը։ Ըստ տեղեկության՝ ԿԽՄԿ ներկայացուցիչներն առանձին հանդիպումներ են ունեցել գերինեի հետ, և վերջիններիս հնարավորություն է տրվել զրուցել ընտանիքների հետ: Ադրբեջանական բանտերում, ըստ իրավապաշտպանների, 23 հայ է պահվում, այդ թվում՝ Ադրբեջանի կողմից Արցախի վրա 2023-ին սեպտեմբերի 19-ի ռազմական հարձակման հետևանքով գերեվարված 16 անձինք։ Նրանց թվում են արցախցի 8 պաշտոնյաները՝ նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, Ազգային ժողովի նախագահ Դավիթ Իշխանյանը, նախկին պետնախարար Ռուբեն Վարդանյանը, Պաշտպանության բանակի նախկին հրամանատար Լևոն Մնացականյանը, ՊԲ հրամանատարի նախկին տեղակալ Դավիթ Մանուկյանը և նախկին արտգործնախարար Դավիթ Բաբայանը:
-
Ալիևը վախենում է Հայաստանի հետ իրավական պատերազմից. Սիրանուշ Սահակյան
Ինչո՞ւ է Ադրբեջանը վախենում Հաագայի դատարանից։ Միջազգային իրավունքի մասնագետ, իրավապաշտպան Սիրանուշ Սահակյանը ՍիվիլՆեթի Արշալույս Մղդեսյանի հետ զրույցում բացահայտում է Բաքվի իրական մտադրությունները։ Իրավաբանը վերլուծում է, թե ինչու են Հաագայի դատարանում Հայաստանի հայցերը հիմնավոր, և ինչպես է Ադրբեջանը փորձում խուսափել միջազգային արդարադատությունից։ Հարցազրույցում կիմանաք, թե ինչպես է Բաքուն փորձում Հայաստանի հետ քննարկումները տեղափոխել այն հարթակներ, որտեղ իրեն ավելի ուժեղ է զգում։
-
Ինչ նպատակներ ունեն խոշոր դերակատարները Սիրիայում. զրույց Ռուբեն Սաֆրաստյանի հետ
Սիրիայում ընթացող զարգացումների հիմնական նախաձեռնողը Թուրքիան է, որը շատ լավ է ընտրել պահը. ՍիվիլՆեթի հետ զրույցում նշում է թուրքագետ, ակադեմիկոս Ռուբեն Սաֆրաստյանը։ Նա չի կարծում, թե Թուրքիան, ինչպես նաև տարածաշրջանի մյուս ուժերը և անգամ Միացյալ Նահանգները, հետաքրքրված են Բաշար Ասադին իշխանությունից հեռացնելու հեռանկարով։ Ըստ թուրքագետի՝ նրանք ուրիշ մարտավարություն են որդեգրել։
-
ԱՄՆ-ը և Հնդկաստանը խորացնում են ռազմավարական գործընկերությունը. նպատակը՝ զսպել Չինաստանին
Հնդկաստանը դառնում է ԱՄՆ-ի անփոխարինելի ռազմավարական գործընկերը՝ գլոբալ անորոշությունների և փոփոխվող ուժային դինամիկայի պայմաններում, գրում է Times of Oman թերթը։ ԱՄՆ նախագահի պաշտոնին Դոնալդ Թրամփի վերադարձով այդ հարաբերությունները, ըստ վերլուծականի, ԱՄՆ-Հնդկաստան հարաբերություններն առավել առանցքային են դառնում աշխարհաքաղաքական մարտահրավերները հաղթահարելու գործում: Ժողովրդավարական երկու հսկաների միջև գործընկերությունը դիվանագիտական ավանդական քաղաքավարությունից անդին է և վկայում է ռազմավարական մերձեցման մասին, որը պայմանավորված է ընդհանուր շահերով և փոխլրացնող նպատակներով: Այս հարաբերությունների հիմնարար նպատակն է զսպել Չինաստանի ծավալապաշտական հավակնությունները հնդկա-խաղաղօվկիանոսական տարածաշրջանում: Չինաստանի հետ 3,488 կմ սահման ունենալով և տասնամյակներ շարունակ Պեկինի ագրեսիվ դիրքորոշմանը դիմակայելով՝ Հնդկաստանը հանդես է գալիս որպես բնական և հզոր հակակշիռ Չինաստանի տարածաշրջանային գերիշխանությանը: […]
-
Աղազարյանի հեռախոսի առգրավումը «անձնական կյանքի մեջ մտնելու մասին չէ». Արթուր
Ազգային ժողովի «Քաղաքացիական պայմանագիր» խմբակցության նախկին պատգամավոր Հովիկ Աղազարյանի հեռախոսի առգրավումը Հակակոռուպցիոն կոմիտեի կողմից, ապա դրա պարունակության տրամադրումը վարչապետին, ՔՊ-ին, «անձնական կյանքի մեջ մտնելու մասին չէ». դեկտեմբերի 6-ին խորհրդարանական ճեպազրույցների ընթացքում հայտարարեց «Քաղաքացիական պայմանագիր» խմբակցության քարտուղար Արթուր Հովհաննիսյանը։ Նրա խոսքով՝ քրեական վարույթի շրջանակում հայտնաբերվել են տեղեկություններ, որոնք «պետական անվտանգության հետ կապ ունեն», ու դրանք հայտնաբերած մարմինը ենթակա էր վարչապետին, պարտավոր էր զեկուցել նրան։ «Մենք ԱԺ պատգամավորներ ենք ու չունենք անձնական կյանք, անձնական տվյալներ և այլն։ Մենք հանրային գործունեություն ենք ծավալում ու պարտավոր ենք լինել բարեվարք»,- ասաց իշխող խմբակցության պատգամավորը։ «Ինչո՞ւ ՔՊ-ն չի գնացել իրավական ճանապարհով, ինչո՞ւ գլխավոր դատախազը չի եկել […]
-
Պենտագոնի ղեկավարն ընդունել է Պապիկյանին, այցը «պատմական» անվանել
Դեկտեմբերի 5-ին Պենտագոնում տեղի է ունեցել ԱՄՆ պաշտպանության քարտուղար Լլոյդ Օսթինի և ՀՀ պաշտպանության նախարար Սուրեն Պապիկյանի հանդիպումը. տեղեկությունը ֆեյսբուքյան էջում հայտնում է ՊՆ ղեկավարը։ «Պենտագոնում տեղի է ունեցել դիմավորման պաշտոնական արարողություն, հնչել են ՀՀ և ԱՄՆ պետական օրհներգերը։ Շնորհակալություն հայտնելով ԱՄՆ պաշտպանության քարտուղար Լլոյդ Օսթինին ջերմ հյուրընկալության համար՝ մանրամասներ եմ ներկայացրել ՀՀ զինված ուժերում ընթացող բարեփոխումների վերաբերյալ և նշել համագործակցության առաջնային ուղղությունները, որոնք ուղղված են ինչպես ՀՀ զինված ուժերի կերպափոխման իրագործմանը, այնպես էլ ԱՄՆ զինված ուժերի հետ փոխգործակցելիության մակարդակի բարձրացմանը՝ ռազմական կրթություն, մարտական պատրաստություն, միջազգային խաղաղապահ առաքելություններում մասնակցության նախապատրաստման շրջանակում վարժանքներ, արհեստավարժ սերժանտական և հրահանգչական ինստիտուտների զարգացում, ՀՀ զինված […]
