Իտալիայի ու Վրաստանի հետ ուղևորահոսքի սահամանափակման կարիք չկա. նախարար

Կորոնավիրուսի տարածման վտանգով պայամանավորված՝ Հայաստանն անհրաժեշտություն չի տեսնում սահմանափակել ուղևորահոսքն Իտալիայի ու Վրաստանի հետ: Այս մասին այսօր հրավիրված հրատապ ասուլիսին հայտարարեց առողջապահության նախարար Արսեն Թորոսյանը:

«Իտալիայում կորոնավիրուսի տարածման օջախը մեկուսացված է: Այս առումով Իտալիայի հետ ուղևորահոսքի սահմանափակման կարիք չկա: Այժմ Իտալիայից շատերը ժամանում են Հայաստան, նրանցից քչերն են կրում դիմակ: Եթե մենք մեկուսացնենք, ապա պետք է մեկուսացնենք Հայաստան մտնող ողջ ուղևորահոսքը», – ասաց նա:

Նախարարը չի տեսնում անհրաժեշտություն սահմանափակել ուղևորահոսքը նաև Վրաստանի հետ, որտեղ կորոնովիրուսով վարակման երեք դեպք է արձանագրվել: «Վրաստանում ևս վարակի լոկալ տարածում չկա: Այնտեղ էլ բերովի է՝ երկուսն Իրանից, մեկը՝ Միլանից»,- ասաց նախարարը:

Կորոնավիրուս․ Հայաստանում գրանցվել է առաջին դեպքը

Նոր կորոնավիրուսի գրանցված դեպքը առողջապահական մեծ վտանգ չի ներկայացնում․ նախարար

#CivilNet #News