Վարչապետ Նիկոլ Փաշինյանը մարտի 10-18-ը ներառյալ և մարտի 20-24-ը ներառյալ կլինի արձակուրդում: ՀՀ վարչապետին արձակուրդ տրամադրելու մասին որոշումը հրապարակվել է ՀՀ կառավարության e-gov.am կայքում:
«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 12-րդ մասով և 18-րդ հոդվածի 4-րդ մասով ՝
1. Հայաստանի Հանրապետության վարչապետ Նիկոլ Փաշինյանին տրամադրել 2018-2019 թվականների աշխատանքային տարվա ամենամյա նվազագույն արձակուրդի մասը՝ 2020 թվականի մարտի 10-18-ը ներառյալ և մարտի 20-24-ը ներառյալ:
2. Նիկոլ Փաշինյանի՝ արձակուրդում գտնվելու ընթացքում Հայաստանի Հանրապետության վարչապետին կփոխարինի փոխվարչապետ Տիգրան Ավինյանը»,- ասված է որոշման մեջ:
Նիկոլ Փաշինյանը ֆեյսբուքյան իր էջում գրել է, որ արձակուրդ է վերցնում և ամբողջությամբ ներգրավվում է ապրիլի 5-ի հանրաքվեի՝ «Այո»-ի քարոզարշավում։
