MBG Hospitality ընկերությունը հայտարարություն է տարածել՝ հայտնելով, որ մինչև մարտի 23-ը ցանցի ռեստորանները փակ են լինելու։
«Սիրելի հյուրեր, գործընկերներ,
Հաշվի առնելով այսօր մարդկության առջև ծառացած մեծ խնդիրը և ելնելով կորպորատիվ սոցիալական պատասխանատվությունից, առաջին հերթին արժևորելով մարդու առողջությունը, մեր հաճախորդների, աշխատակիցների և գործընկերների բարօրությունը՝ որոշում ենք կայացրել փակել մեր ընկերության կազմում գործող Vostan Restaurant, Tsirani Home – Restaurant, Chinar Restaurant, Hans & Franz, Alaska by Hans&Franz, Louis Charden ռեստորանները մինչև մարտի 23-ը՝ կանխելու կորոնավիրուսի հետագա սրընթաց տարածումը։
Խնդիրը համընդհանուր է, և մեզանից յուրաքանչյուրը պատասխանատվություն է կրում բոլորիս առողջության համար: Մի բան միանշանակ է, որքան շուտ սկսենք տանը մնալ, այնքան քիչ կտարածվի վարակը։
Ուստի խնդրում ենք՝ հոգ տարեք Ձեր և Ձեր հարազատների առողջության մասին, մնացեք տանը, իսկ մենք անհամբեր կսպասենք այն պահին, երբ կկարողանանք նորից մեր ռեստորանների դռները բացել Ձեր առաջ և խմել համաճարակի դեմ տարած մեր միասնական հաղթանակի համար:
Հ.Գ. Սննդի անվճար առաքման ծառայությունը Vostan Restaurant և Tsirani Home – Restaurant ռեստորաններից, ինչպես և խոստացել էինք, կշարունակի գործել, այսուհետ կարող եք զանգահարել (011) 48 00 00 (Ոստան) և (011) 850 950 (Ծիրանի տուն) հեռախոսահամարներով և ամրագրել Ձեր պատվերը՝ 11:00-ից մինչ 22:00:
Մեր աշխատակիցները սիրով կկազմակերպեն Ձեր առաքումը հնարավոր ամենակարճ ժամկետում (առաքիչները առաքումները կկատարեն հատուկ պաշտպանիչ ձեռնոցներով և դիմակներով)»,- ասված է հայտարարությունում։
