Մարտի 20-ից մինչև օրս Հայաստանի բանկերը վերանայել են 96 838 ֆիզիկական անձանց և 3 395 իրավաբանական անձանց վարկերի պայմանները:
Այս մասին ֆեյսբուքյան իր էջում գրել է վարչապետ Նիկոլ Փաշինյանը՝ տեղեկացնելով, որ վերանայված վարկերի ճնշող մասի դեպքում բանկերը տվել են վարկային արձակուրդ՝ երբեմն մի քանի ամսով:
«Վերանայված վարկերի ծավալը կազմում է շուրջ 200 միլիարդ դրամ»,- ասված է Փաշինյանի գրառման մեջ:
Ավելի վաղ Հայաստանում գործող գրեթե բոլոր առևտրային բանկերը հայտարարել էին 2-3 ամսով վարկերի վճարումների ժամկետների հետաձգման մասին:
Հայաստանում նոր տիպի կորոնավիրուսի համաճարակի տարածման կանխարգելման նպատակով մարտի 16-ից մինչև ապրիլի 14-ը հայտարարված է արտակարգ դրություն:
#CivilNet #News
