Արարատի մարզում կորոնավիրուսի դեպքերի ընդհանուր թիվը՝ 175

Արարատի մարզում, վերջին տվյալներով, կորոնավիրուսի 2 նոր դեպք կա, վարակակիրների ընդհանուր թիվն այս պահին 175 է. այս մասին գրառում է արել Արարատի մարզպետ Գարիկ Սարգսյանը։

«Ցավոք, Արտաշատի բժշկական կենտրոնում առավոտյան արձանագրվել է մահվան դեպք։ Երևան քաղաքի բնակիչ 93-ամյա պացիենտն ունեցել է կորոնավիրուսային հիվանդություն, հաստատված աջակողմյան թոքաբորբ։ Տղամարդն ունեցել է ուղեկցող խրոնիկ հիվանդություններ, այդ թվում՝ շագանակագեղձի քաղցկեղ, զարկերակային հիպերտոնիա։

Շատ կարևոր է, որ շարունակենք խստագույնս պահպանել պարետատան բոլոր ցուցումները։ Հիմա, առավել քան երբևէ, պետք է լինենք պատասխանատու և համախմբված։ Տանը մնալով օգնում ենք մեր երկրին հաղթահարել այս լուրջ մարտահրավերը»,- գրել է Սարգսյանը։