Ապրիլի 12-ի դրությամբ հաստատվել է կորոնավիրուսային հիվանդության 26 նոր դեպք, առողջացել է ևս 14 քաղաքացի․ այս մասին հայտնում է հայկական միասնական տեղեկատվական կենտրոնը։
«Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 67-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, կինն ոււնեցել է ուղեկցող խրոնիկ հիվանդություն՝ շաքարային դիաբետ։
Ըստ այդմ՝ ապրիլի 13-ի առավոտյան տվյալներով Հայաստանում կորոնավիրուսի հաստատված դեպքերի թիվը 1 039 է։
Առողջացածների թիվը՝ 211։
Կորոնավիրուսից մահվան դեպքերի թիվը՝ 14։
Փաստացի բուժվողների թիվը՝ 814։