Հայաստանում կորոնավիրուսի տարածման համար մեղավոր են բոլորը՝ և՛ կառավարությունը, և՛ հանրությունը

Արդյոք Հայաստանը ձախողե՞լ է կորոնավիրուսի դեմ պայքարը, և եթե այո՝ ում մեղադրել. այս հարցերի շուրջ Ստելլա Մեհրաբեկյանը զրուցել է Մասաչուսեթսի տեխնոլոգիական ինստիտուտի (MIT) պրոֆեսոր Արեգ Դանագուլյանի հետ, որը Հայաստանում կատարվողը օրերս հրապարակած հոդվածում բնութագրել է որպես տգիտության համաճարակ։ Դանագուլյանի խոսքով՝ այժմ մեղավորներ փնտրելու ժամանակը չէ. պետք է երկիրը փրկել աղետից։ Պրոֆեսորն անդրադառնում է կրթական բարեփոխումների անհրաժեշտությանը, փաստում, որ որոշ քաղաքական ուժեր, հակադրվելով կանոններին, վտանգում են հանրային առողջությունը։