Լոնդոնյան բորսայում գնանշվող Cove Energy-ն իր հիմնական գործունեությունը Մոզամբիկում է ծավալում։ Այս գործարքը Shell-ին արևելաաֆրիկյան շելֆի գազային հանքավայրերի մատչում կապահովի։
Գործարքի արժեքը 1,12 մլրդ ֆունտ ստեռլինգ է ($1,81 մլրդ)։ Cove Energy-ի գնման առաջարկը Shell-ն արել է փետրվարին։ Այդ ժամանակ Shell-ը պատրաստ էր վճարել 195 պենս մեկ բաժնետոմսի դիմաց։ Ներկայում այս ցուցանիշը կազմում է 220 պենս՝ մեկ բաժնետոմսի դիմաց։ Որպես գնորդ հանդես կգա բրիտանա-հոլանդական ընկերության դուստր Shell Bidco-ն։
Նշենք, որ Royal Dutch Shell-ը Եվրոպայի խոշորագույն նավթային ընկերությունն է՝ ըստ շուկայական կապիտալիզացիայի ցուցանիշի։ 2011թ. ընկերության հասույթը կազմել է $470,17 մլն, ինչը 27,7%-ով գերազանցել է 2010-ի համապատասխան ցուցանիշը։
