Փետրվարի 7-17-ը Բեռլինի 63-րդ միջազգային կինոփառատոնի շրջանակում FIPRESCI-ի (կինոքննադատների միջազգային ասոցիացիա) ժյուրին կնախագահի պոլսահայ կինոքննադատ Ալին Թաշճյանը, հաղորդում է Կ. Պոլսում լույս տեսնող «Ակոսը»:
FIPRESCI-ն մրցանակներ կշնորհի փառատոնի հիմնական մրցութային ծրագրում, «Ֆորում» և
«Պանորամա» բաժիններից յուրաքանչյուրում ընտրված լավագույն ֆիլմին:
Փետրվարի 8-ին Գերմանիայի մայրաքաղաքում բացվել է աշխարհի ամենահեղինակավոր փառատոններից մեկը՝ 63-րդ Բեռլինալեն:
Փառատոնի գլխավոր ժյուրին նախագահում է չինացի ռեժիսոր Վոնգ Կար Վայը, որի «Մեծ վարպետներ» ֆիլմի ցուցադրությամբ մեկնարկել է միջոցառումը:
