ՖԻԴԵ-ի վարկանիշային աղյուսակի առաջատար նորվեգացի Մագնուս Կարլսենը աշխարհի չեմպիոնի կոչման հավակնորդների մրցաշարի 12-րդ տուրում սպիտակներով սենսացիոն պարտություն կրեց ուկրաինացի Վասիլի Իվանչուկից և 7.5 միավորով նահանջեց մրցաշարային աղյուսակի երկրորդ հորիզոնական:
Միանձնյա առաջատարի դերը ստանձնեց աշխարհի նախկին չեմպիոն ռուս Վլադիմիր Կրամնիկը, ով այս տուրում առավելության էր հասել Լևոն Արոնյանի նկատմամբ: Թեյմուր Ռաջաբով – Ալեքսանդր Գրիշչուկ, Բորիս Գելֆանդ – Պյոտր Սվիդլեր պարտիաներում գրանցվեց ոչ-ոքի արդյունք:
12-րդ տուրից հետո մրցաշարային աղյուսակն ունի հետևյալ տեսքը.
| 1. | Կրամնիկ | 8.0 |
| 2. | Կարլսեն | 7.5 |
| 3. | Արոնյան | 6.5 |
| 4. | Սվիդլեր | 6.0 |
| 5. | Գրիշչուկ | 5.5 |
| 6. | Գելֆանդ | 5.5 |
| 7. | Իվանչուկ | 5.0 |
| 8. | Ռաջաբով | 4.0 |
