Իրանի տեղեկատվական և հեռահաղորդակցության տեխնոլոգիաների նախարարությունը ներմուծել է ազգային էլեկտրոնային փոստի ծառայությունը, հաղորդում է IRINN իրանական հեռուստաալիքը:
Իրանցի յուրաքանչյուր քաղաքացու համար կսահմանվեն էլ. փոտի հասցեներ` անձի վկայականների հիման վրա: Էլ. փոստի հասցեներ կտրամադրվեն նաև մասնավոր և պետական կազմակերպություններին:
Իրանում վերջին մեկ տարում համացանցի օգտատերերի թիվը հասել է 32.7 մլն-ի:
GPRS-ից օգտվողների թիվը 27,5 մլն է, ինչը կազմում է Իրանում համացանցի օգտատերերի ընդհանուր թվի 36 տոկոսը:
867 հազ. մարդ Իրանում օգտվում է գերարագ ինտերնետից և շուրջ վեց մլն մարդ համացանցից օգտվում է օպտիկա-մանրաթելային ցանցի միջոցով:
2005-ից ի վեր Իրանը զբաղվում է Ազգային ինտերնետի մշակմամբ` ցանցի բովանդակության ու արագության հանդեպ վերահսկողությունն ուժեղացնելու նպատակով: