Սիրիայում ռազմական միջամտությունը աղետալի հետևանքներ կունենա ամբողջ տարածաշրջանի համար, հայտարարել է Իրանի հոգևոր առաջնորդ այաթոլլահ Ալի Խամենեին Իրանի կառավարության անդամների հետ հանդիպման ժամանակ, հաղորդում է ISNA գործակալությունը:
«Այս տարածաշրջանը պայթյունավտանգ է. անհնար է կանխորոշել նման գործողությունների հետևանքները», – ասել է Խամենեին:
Անդրադառնալով Եգիպտոսին՝ Խամենեին հայտարարել է, որ Իրանը այդ երկրի ներքին գործերին միջամտելու մտադրություն չունի:
«Այդուհանդերձ, անզեն մարդկանց սպանողները պատասխանատվություն կկրեն դրա համար, նրանք դատապարտված են», – ասել է հոգևոր առաջնորդը:
