Վրաստանի ներքին գործերի նախարարի պաշտոնը կզբաղեցնի Թբիլիսի քաղաքի գլխավոր վարչության պետ, ոստիկանության գնդապետ Ալեքսանդր Չիկաիձեն: Ինչպես հաղորդում է «Ազատություն» ռադիոկայանի վրացական ծառայությունը, այս մասին հայտարարել է ՆԳ նախարար Իրակլի Գարիբաշվիլին:
Հիշեցնենք, որ ավելի վաղ Վրաստանի վարչապետ Բիձինա Իվանիշվիլին Գարիբաշվիլիին իր իրավահաջորդ էր հայտարարել: Վերջինս վարչապետի պաշտոնը կզբաղեցնի Իվանիշվիլիի հրաժարականից հետո:
Չիկաիձեն ծնվել է 1985թ.՝ ոստիկանի ընտանիքում: Մինչև Թբիլիսիի ոստիկանության ղեկավարի պաշտոնը՝ եղել է Կախեթիի ոստիկանության վարչության պետը:
