Հունիսի 18-ին մի խումբ ակտիվիստներ և Տերյան 11 հասցեի բնակիչները կրկին ահազանգեցին Աֆրիկյանների ակումբի շենքում ապամոնտաժման աշխատանքները վերսկսելու մասին: Ինչպես նախորդ օրը՝ դեպքի վայր ժամանեց Պատմության և մշակույթի հուշարձանների պահպանության գործակալության Երևանի տարածքային բաժնի պետ Կարո Այվազյանն ու հրահանգեց դադարեցնել աշխատանքները: Այվազյանը պնդում է, որ ապամոնտաժման աշխատանքներն սկսելու համար նախատեսված փաստաթղթերը դեռ պատրաստ չեն, և մինչ այդ մեկնարկած գործողություններն անօրինական են: