Աշխարհի առաջնության խմբային փուլի վերջին տուրում Արգենտինայի հավաքականը 3:2 հաշվով պարտության մատնեց Նիգերիային ու վաստակած 9 միավորով F խմբից առաջին տեղով մտավ 1/8 եզրափակիչ: Նիգերիան նույնպես փլոյ-օֆի ուղեգիր ձեռք բերեց, քանի որ զուգահեռաբար ընթացող խաղում Իրանը չկարողացավ հաղթել Բոսնիային:
Հանդիպման 4-րդ րոպեին արդեն հաշիվը 1:1 էր: Լիոնել Մեսսիի գոլին (3 ր.) պատասխանեց Ահմեդ Մուսան (4 ր.): Առաջին խաղակեսի վերջին րոպեին Արգենտինան կրկին առաջ անցավ ու կրկին Մեսսին դարձավ գոլի հեղինակ՝ գերազանց իրացնելով տուգանայինը:
Ընդմիջումից հետո երկու րոպե անց Մուսան հավասարեցրեց հաշիվը, սակայն 50-րդ րոպեին Մարկոս Ռոխոն անկյունայինի խաղարկումից հետո Արգենտինայի երրորդ գոլը խփեց: 63-րդ րոպեին Ալեխանդրո Սաբելյան որոշեց Մեսսիի փոխարեն խաղադաշտ մտցնել Ռիկարդո Ալվարեսին: Այդուհետ Արգենտինայի խաղը հարձակման գծում խամրեց: Հանդիպման վերջնամասն անցավ հավասար պայքարում և այլևս գոլեր չգրանցվեցին:
F խմբի մրցաշարային աղյուսակի վերջնական տեսքը.
F խումբ
| Տ. | Թիմ | Խ. | Հ. | Ո. | Պ. | Խ.գ. | Բ.գ. | Մ. |
| 1 | Արգենտինա | 3 | 3 | 0 | 0 | 6 | 3 | 9 |
| 2 | Նիգերիա | 3 | 1 | 1 | 1 | 3 | 3 | 4 |
| 3 | Բոսնիա | 3 | 1 | 0 | 2 | 4 | 4 | 3 |
| 4 | Իրան | 3 | 0 | 1 | 2 | 1 | 4 | 1 |
