Սեպտեմբերի 13-20-ը կանցկացվեն լայնամասշտաբ օպերատիվ մարտավարական զորավարժություններ՝ Ադրբեջանի զինուժի բոլոր տեսակի զորամիավորումների, ինչպես նաև Թուրքիայի զինված ուժերի ստորաբաժանումներ մասնակցությամբ, հաղորդում է contact.az-ը:
Ադրբեջանի պաշտպանության նախարարության մամլո հաղորդագրության համաձայն՝զորվարժությունների առաջին փուլում կներգրավվեն հետախուզության, հատուկ ջոկատայինների, ռազմաօդային, հակաօդային պաշտպանության ստորաբաժանումները:
Երկրորդ փոլում զորավարժություններին կմասնակցեն ցամաքային զորքերը, որոնք կիրականացնեն տարբեր պայմաններում հարձակողական գործողություններ:
Երրորդ փուլում ուսումնական կենտրոններում և հրաձգարաններում կիրականացվեն մի շարք զինտեխնիկայի և հրթիռային համալիրների ռազմական կրակոցներ:
Զորվարժություններին ընդհանուր առմամբ կմասնակցի 20 հազ. զինվորական անձնակազմ, 10 հազար պահեստային զինվորական, 250 միավոր զրահատեխնիկա, 20 իքնանթիռ, 15 ուղղաթիռ և այլն:
Զորավարժությունների անցկացման հստակ վայրը չի նշվում:
