Իսպանիայի Բիլբաո քաղաքում ընթացող «Մեծ սաղավարտի» եզրափակիչ մրցաշարի երրորդ տուրում Հայաստանի ուժեղագույն գրոսմայստեր Լևոն Արոնյանը սև խաղաքարերով ոչ-ոքի խաղաց աշխարհի նախկին չեմպիոն հնդիկ Վիշվանաթհան Անանդի հետ: Անվանի շախմատիստները 34-ական քայլ կատարեցին:
3-րդ տուրի մյուս պարտիան` Ռուսլան Պոնոմարյով (Ուկրաինա) – Ֆրանսիսկո Վալեխո Պոնս (Իսպանիա) պարտիան դեռևս չի ավարտվել:
Այս պահին մրցաշարային աղյուսակը գլխավորում է Անանդը` 7 միավոր, Արոնյանը 5 միավորով երկրորդն է, Վալեխոն ունի 1 միավոր, Պոնոմարյովը դեռևս միավոր չի վաստակել:
Հիշեցնենք, որ առաջին տուրում Լևոնը սևերով ոչ-ոքի է խաղացել Վալեխոյի հետ, իսկ երկրորդ տուրում սպիտակներով հաղթել է Պոնոմարյովին:
Այս մրցաշարում հաղթանակի համար շնորհվում է 3 միավոր, ոչ-ոքիի համար` 1:
