8 փետրվար, 2017 20:20

Հայաստան-Բելառուս. չոր թվեր և փաստեր

Հայաստանի և Բելառուսի միջև դիվանագիտական հարաբերություններ հաստատվել են 1993թ. հունիսի 12-ին: Հայաստանի դեսպանությունը Մինսկում բացվել է 1993-ին, Բելառուսի դեսպանությունը Երևանում՝ 2001-ին:

Հայաստանի նախագահները, վարչապետները և արտգործնախարարները 1991-ից ի վեր տասնյակ անգամներ այցելել են Մինսկ, որտեղ տեղակայված են ԱՊՀ կառույցները և որտեղ կայացել է ԱՊՀ գագաթաժողովներ:

Հայաստանի նախագահներից միակը, որ պաշտոնական այց է տվել Բելառուս, եղել է Ռոբերտ Քոչարյանը՝ 2002-ի հունիսին:

Բելառուսի նախագահ Ալեքսանդր Լուկաշենկոն երեք անգամ այցելել է Հայաստան՝ 2001-ի մայիսին, 2009-ի մարտին և 2013-ի ապրիլին:

Բելառուսից Հայաստան ներմուծվում են հետևյալ հիմնական ապրանքատեսակները՝ մեքենաներ, տրակտորներ, շինարարական և գյուղատնտեսական տեխնիկա, ինչպես նաև դրանց պահեստամասեր, դեղորայք, լուցկի, պլաստմասայից իրեր, անվադողեր, փայտյա շինանյութ, գործվածքներ, ուժային շարժիչներ, պոմպեր, խողովակներ, մալուխ, կաթնամթերք:

Հայաստանից Բելառուս արտահանվում են թունդ ոգելից խմիչքներ, հանքային ջրեր, քիմիական արդյունաբերության արտադրանք, դեղորայք, էլեկտրոտեխնիկական սարքավորումներ, տրանսֆորմատորներ:

Հայաստան-Բելառուս ապրանքաշրջանառությունը դոլարով.

թվականը                        ներմուծում                        արտահանում

2016                             14 մլն 114 հազար             23 մլն 428 հազար

2015                              6 մլն 810 հազար              25 մլն 660 հազար

2014                              9 մլն 036 հազար              31 մլն 032 հազար

2013                              8 մլն 562 հազար              40 մլն 875 հազար

2012                              6 մլն 710 հազար              33 մլն 589 հազար

2011                              5 մլն 950 հազար              29 մլն 575 հազար

2010                             4 մլն 581 հազար               31 մլն 909 հազար

2009                             4 մլն 628 հազար               24 մլն 606 հազար

2008                             2 մլն 788 հազար               28 մլն 378 հազար

2007                             2 մլն 487 հազար               23 մլն 605 հազար

2006                             3 մլն 797 հազար               17 մլն 543 հազար

2005                             2 մլն 529 հազար              12 մլն 992 հազար

2004                             2 մլն 035 հազար               6 մլն 986 հազար

2003                             2 մլն 097 հազար               5 մլն 708 հազար

2002                             1 մլն 493 հազար               2 մլն 040 հազար

2001                             1 մլն 204 հազար               1 մլն 086 հազար

2000                                     903 հազար                        624 հազար

1999                             1 մլն 061 հազար                       642 հազար

1998                                     821 հազար                1 մլն 755 հազար

1997                              1 մլն 148 հազար              3 մլն 321 հազար

1996                              1 մլն 174 հազար              2 մլն 206 հազար

1995                                       868 հազար              1 մլն 911 հազար

 

* Սյունակում արտահայտված տեսակետները կարող են չհամընկնել ՍիվիլՆեթի տեսակետներին: