15 հունիս, 2018 13:21

Վճռաբեկ դատարանը բեկանեց Սամվել Բաբայանի գործով դատավճիռը, նա ազատ կարձակվի

Սամվել Բաբայանի գործով վճիռը բեկանվեց,  նա ազատ կարձակվի

Վճռաբեկ դատարանը հունիսի 15-ին որոշեց բեկանել Սամվել Բաբայանի գործով առաջին ատյանի դատարանի վճիռն ու Վերաքննիչ քրեական դատարանի որոշումը: Բացի այդ դատարանը Բաբայանին կալանքից ազատ արձակելու որոշում կայացրեց՝ ԱԺ 15 պատգամավորների երաշխավորության հիման վրա:

Սամվել Բաբայանի հարազատներն ու ընկերները երթով գնացին Ազգային անվտանգության ծառայություն՝ ակնկալելով, որ նա ազատ կարձակվի հենց ԱԱԾ-ից:

Սամվել Բաբայանին Ազգային անվտանգության ծառայությունը ձերբակալվել էր 2017-ի մարտի 22-ին՝ «Իգլա» տեսակի զենիթա-հրթիռային համալիր մաքսանենգ ճանապարհով Հայաստան բերելու, կեղծ եվրո թղթադրամներ շրջանառելու գործի շրջանակում:

2017-ի նոյեմբերին Բաբայանը դատապարտվեց վեց տարվա ազատազրկման։ 2018թ․ փետրվարին Վերաքննիչ քրեական դատարանն անփոփոխ թողեց Բաբայանի դատավճիռը։

Բաբայանը հայտարարում է, որ իր նկատմամբ հարուցված քրեական գործը և դատավճիռը շինծու է և քաղաքական պատվեր է։ 2017-ի խորհրդարանական ընտրություններին Բաբայանն աջակցում էր ընդդիմադիր Օհանյան-Րաֆֆի-Օսկանյան դաշինքին։


Խմբագրի ընտրանի

7 դեկտեմբեր, 2019 22:41

Մինսկում Ռուսաստանի հետ ինտեգրման դեմ ցույց է տեղի ունեցել

Մինսկի կենտրոնում Բելառուսի և Ռուսաստանի «խորը ինտեգրման» դեմ ցույց է տեղի ունեցել։ Այսօր Սոչիում կայացել են Բելառուսի նախագահ Ալեքսանդր Լուկաշենկոյի և Վլադիմիր Պուտինի բանակցությունները Ռուսաստանի և Բելառուսի միութենական պետության շրջանակում տնտեսական ինտեգրման խորացման հարցերի շուրջ: Ինչպես հաղորդում է BBC-ի ռուսական ծառայությունը, Մինսկի Հոկտեմբերյան հրապարակում ցուցարարները դեմ են արտահայտվել Ռուսաստանի հետ ինտեգրմանը և հանդես եկել հանուն Բելառուսի անկախության: Նրանք չեն ցանկանում ճանաչել Ռուսաստանի և Բելառուսի ինտեգրման փաստաթղթերը, եթե երկրների առաջնորդները ստորագրեն դրանք։

6 դեկտեմբեր, 2019 15:32

Հայաստանում աղքատությունը նվազել է 2,2 տոկոսային կետով՝ կազմելով 23,5 տոկոս

Ազգային վիճակագրական ծառայությունը հրապարակել է Հայաստանի սոցիալական պատկերը և աղքատությունը, 2019 զեկույցը, համաձայն որի՝ 2018թ․ աղքատության մակարդակը գնահատվել է 23,5% և 2017-ի համեմատ նվազել է 2,2 տոկոսային կետով, իսկ 2008թ. աղքատության մակարդակի համեմատ (27,6%) նվազել է 4,1 տոկոսային կետով:

4 դեկտեմբեր, 2019 19:46

ՀՀԿ-ն քաղաքական հետապնդում է որակում Սերժ Սարգսյանի դեմ առաջադրված մեղադրանքը

Հայաստանի հանրապետական կուսակցությունը հայտարարություն է տարածել իր առաջնորդ, ՀՀ երրորդ նախագահ Սերժ Սարգսյանի նկատմամբ առաջադրված մեղադրանքի վերաբերյալ։ (Պետությունից վատնելու եղանակով առանձնապես խոշոր չափերով գումարի հափշտակության կատարումը կազմակերպելու համար մեղադրանք է առաջադրվել ՀՀ նախկին նախագահ Սերժ Սարգսյանին, հաղորդել է Հատուկ քննչական ծառայությունը)։