8 փետրվար, 2019 16:52

Անի Գևորգյանի «Ցուցիչներ»-ը․ «թարս հայելիների աշխարհից՝ դեպի իրականություն»

Փետրվարի 7-ին Նորարար փորձառարական արվեստի կենտրոնում (ՆՓԱԿ) բացվեց լուսանկարիչ Անի Գևորգյանի «Ցուցիչներ» ցուցահանդեսը, որը ներկայացնում է 2008-ի մարտի 1-ի իրադարձությունների հետևանքով տուժած, բանտարկված մարդկանց անձնական պատմությունները՝ դուրս թողնելով «քաղաքական» դրդապատճառները։ Ցուցահանդեսում ներառված են լուսանկարներ, հարցազրույցներ նախկին քաղբանտարկյալների հետ, կարճ գրություններ, որոնք արտացոլում են բանտային կյանքը։ «Ցուցիչներ»-ի միջոցով հեղինակը փորձ է անում «մեկ տասնամյակ կառուցված թարս հայելիների աշխարհից վերադառնալ դեպի իրականություն»։