20 մայիս, 2019 11:19
Հանրային վստահություն դատական համակարգի նկատմամբ չկա և եթե դատարանների դռների առաջ անհնազանդության գործողություններ իրականացնելով հնարավոր կլինի այդ վստահությունը ստեղծել, ուրեմն կարելի է և դիմել նման գործողությունների։ Այս մասին Հանրային հեռուստաընկերության եթերում հայտարարեց Բարձրագույն դատական խորհրդի անդամ Հայկ Հովհաննիսյանը։
Նրա խոսքով՝ անհնազանդության գործողությունները հակասահմանադրական չեն. «Քանի որ եթե մի բան չի աշխատում այնպես, ինչպես պետք է աշխատի, միգուցե կա կարիք կանգ առնել, հասկանալ ու լուծումներ գտնել»։
«Իրավական քաոս չկա, կա գերագույն արժեք՝ դա մարդու արժանապատիվ ապրելու իրավունքն է և մենք իրավունք ունենք դատավորներից պահանջել աշխատել ավելի արդյունավետ»,- ասել է Հովհաննիսյանը։
14 հունիս, 2019 18:27
Լոնդոնի IHS Markit հետազոտական կենտրոնի՝ Ռուսաստանի և ԱՊՀ-ի հարցերով գլխավոր վերլուծաբան Լիլիթ Գրիգորյանը ՍիվիլՆեթի Ստելլա ՄեհրաԲեկյանի հետ գնահատում է Հայաստանի ներքաղաքական և տարածաշրջանային իրավիճակը։ Զրույցի սղագրությունը որոշ խմբագրումներով ներկայացված են ստորև։
13 հունիս, 2019 19:36
Արդյոք 2018-ին տեղի ունեցածը հեղափոխությո՞ւն էր, թե՞ իշխանափոխություն, արդյոք հեղափոխությունն ավարտվա՞ծ է, թե՞ թևակոխել է մեկ այլ փուլ, ի՞նչ մարտահրավերների առաջ է կանգնած այսօրվա Հայաստանը, ինչպե՞ս բնութագրել Մոսկվայի և Երևանի հարաբերությունները, ի՞նչ ակնկալիքներ ունեն միմյանցից Երևանն ու Բրյուսելը՝ այս հարցերի շուրջ Ստելլա Մեհրաբեկյանը զրուցում է Լոնդոնի IHS Markit պաշտպանության և անվտանգության հարցերի վերլուծական կենտրոնի՝ Ռուսաստանի և ԱՊՀ-ի հարցերով գլխավոր վերլուծաբան Լիլիթ Գևորգյանի հետ։ Վերջինս խոսում է նաև ղարաբաղյան հակամարտության կարգավորման մասին և ասում՝ Ռուսաստանը Ղարաբաղը տեսնում է իբրև յուր պլացդարմ։
10 հունիս, 2019 13:51
Ռուսական Republicru կայքը հրապարակել է Անդրեյ Արխանգելսկիի հոդվածը մեծ «Չեռնոբիլ» սերիալի մասին։ Հոդվածը թարգմանաբար ներկայացված է ստորև։ Մինչ HBO հեռուստաընկերության և բրիտանական Sky հեռուստացանցի «Չեռնոբիլ» սերիալը Internet Movie Database IMDbի վարկանիշում առաջին տեղում է հայտնվում, Ռուսաստանում իշխանամետ մեդիաները, ինչպես և կանխատեսվում էր, վարկաբեկում են այն։ Դա իր տեսակով խորհրդային բնազդ է․ պետք է, թեկուզ ուշացած, «սկզունքային գնահատական» տալ։ Դժվար է սահմանել, թե որն է սերիալի գաղափարախոսական դիվերսիան, բայց կուսակցական հոտառությունը խորհրդային բառապաշարի ևս մեկ բառ անսխալ կանխագուշակում է, որ «Չեռնոբիլում» ինչոր դավադրություն կա՝ անտեսանելի, բայց վտանգավոր։ Հեղինակները, ճիշտ է, շատ չեն խորանում՝ ֆիլմը «անթերի քարոզչություն» և Ռոսատոմի դեմ դավադրության մաս անվանելով։ Այս անգամ, ինչքան էլ տարօրինակ է, հեղինակների հոտառությունը չի դավաճանում․ շատ բաներում հեռուստատեսության և կինոյի վրա հիմնվող ռուսական գաղափարախոսության համար այս