25 հունիս, 2019 15:08

Ռուսաստանին վերադարձրել են ԵԽԽՎ

Հունիսի 24-ին Եվրոպայի խորհրդի խորհրդարանական վեհաժողովի (ԵԽԽՎ) անդամները 118 կողմ, 62 դեմ, 10 ձեռնպահ ձայներով քվեարկել են վեհաժողովի աշխատանքներին Ռուսաստանի վերադարձի օգտին՝ նրան հրավիրելով մասնակցելու հունիսի նստաշրջանին։

ԵԽԽՎ-ն ընդունել է Կանոնակարգի հանձնաժողովի ղեկավար Պետրա դե Սուտերի զեկույցը՝ վեհաժողովի լիազորությունների ու քվեարկության վերաբերյալ որոշումների ընդունման գործընթացը կատարելագործելու վերաբերյալ․ դրանում ներառված է բանաձև, որը Ռուսաստանին թույլ է տալիս մասնակցել հունիսի նստաշրջանին։ 

Ռուսաստանի վերադարձին ընդդիմացել են Ուկրաինայի և Բրիտանիայի պատվիրակները, որոնք առաջ են քաշել ավելի քան 200 ուղղում՝ երկարաձգելու համար բանաձևի ընդունումը։

Ռուսաստանի պատվիրակությունը՝ Պյոտր Տոլստոյի ղեկավարությամբ, արդեն Ստրասբուրգում է և ԵԽԽՎ-ում իր լիազորությունների հաստատման հայտ է նախապատրաստել։