15 օգոստոս, 2019 10:40

Քննչական կոմիտեն հրապարակել է Ամուլսարի փորձաքննության եզրակացությունը

ՀՀ քննչական կոմիտեն օգոստոսի 14-ին հրապարակել է Ամուլսարի ոսկեբեր քվարցիտների հանքավայրի շահագործման հետ կապված՝ շրջակա միջավայրի աղտոտման մասին տեղեկությունները պաշտոնատար անձանց կողմից դիտավորությամբ թաքցնելու գործով փորձաքննության եզրակացությունը։

Փաստաթուղթը ներառում է շուրջ 220 էջ, բաղկացած է 5 մասից և մեմորանդումից։

«Հաշվի առնելով հանրության հետաքրքրությունը՝ հայտնում ենք, որ 2019թ. մարտի 18-ին ՀՀ քննչական կոմիտեի ՀԿԳ քննության գլխավոր վարչության վարույթում քննվող՝ Ամուլսարի ոսկեբեր քվարցիտների հանքավայրի շահագործման հետ կապված՝ շրջակա միջավայրի աղտոտման մասին տեղեկությունները պաշտոնատար անձանց կողմից դիտավորությամբ թաքցնելու առերևույթ դեպքի առթիվ քրեական գործով նշանակվել է էկոլոգիական, երկրաբանական, հիդրոլոգիական, երկրաֆիզիկական, քիմիական, շինարարատեխնիկական համալիր փորձաքննություն, որի կատարումը հանձնարարվել է Advanced Resources Development (ELARD) ընկերության փորձագետների խմբին:

Եզրակացության վերջնական տարբերակը 2019 թվականի օգոստոսի 7-ին փորձագետների կողմից ուղարկվել է վարույթն իրականացնող մարմնին:

Քննչական կոմիտեի համապատասխան ստորաբաժանման կողմից եզրակացության վերջնական տարբերակը անգլերեն լեզվից թարգմանվել է հայերեն և այսօր երկլեզու տարբերակով հասանելի է հանրությանը»,- ասված է Քննչական կոմիտեի հաղորդագրության մեջ։

Եզրակացությանը կարող եք ծանոթանալ ստորև.

ՄԱՍ 1

ՄԱՍ 2

ՄԱՍ 3

ՄԱՍ 4

ՄԱՍ 5

ՄԵՄՈՐԱՆԴՈՒՄ

Եզրակացության հրապարակումից հետո այսօր բնապահպանների նախաձեռնությամբ կառավարության շենքի դիմաց անցկացվելու է բողոքի ակցիա, որը հեռարձակվում է ուղիղ։