14 նոյեմբեր, 2019 15:14
Սահմանադրական փոփոխությունների հեղինակներն արել են գործողություններ, որոնք թույլ չեն տալիս Հայաստանի Հանրապետությանը մինչև 2035 թ․ ունենալ երազանքի Սահմանադրական դատարան, ասել է վարչապետ Նիկոլ Փաշինյանը կառավարության նոյեմբերի 14-ի նիստին։
#NoComment
2 դեկտեմբեր, 2019 13:17
Ազգային ժողովի տնտեսական հարցերի մշտական հանձնաժողովի նախագահ Բաբկեն Թունյանը ՍիվիլՆեթի Արշալույս Մղդեսյանի հետ քննարկում է կառավարության տնտեսական քաղաքականությունը, տնտեսական աճի կառուցվածքը և տնտեսության զարգացման վերաբերյալ այլ հարցեր: Թունյանի կարծիքով՝ Հայաստանի տնտեսական աճի կառուցվածքը դեռևս մնում է խնդրահարույց։
28 նոյեմբեր, 2019 12:03
Օրեր առաջ հանրային հատվածի մի խումբ ներքին աուդիտորներ բաց նամակով դիմել են վարչապետ Նիկոլ Փաշինյանին: Նրանք հիմնավոր չեն համարում ֆինանսների նախարարության առաջարկած ներքին աուդիտի պատվիրակումը մասնավոր կազմակեպություններին և փորձում են վարչապետի ուշադրությունը հրավիրել այս հարցի վրա: Հայաստանի Ներքին աուդիտորների ինստիտուտի նախագահ Արա Չալաբյանը ՍիվիլՆեթի Արշալույս Մղդեսյանի հետ զրույցում նշում է, որ համակարգի հապճեպ և առանց լուրջ քննարկումների կտրուկ փոփոխությունը մեծ ռիսկեր է պարունակում նաև ուժային կառույցներից գաղտնի տեղեկատվության արտահոսքի մասով:
27 նոյեմբեր, 2019 14:24
Ինչպե՞ս են փոխվել Սփյուռքում Հայաստանի մասին ընկալումները, պատկերացումներն ու կարծրատիպերը հեղափոխությունից հետո, մտածո՞ւմ են արդյոք Սփյուռքում հայրենադարձության մասին, հնարավո՞ր է ունենալ համահայկական օրակարգ, ի՞նչ ասել է հայկական ինքնություն․ այս հարցերի շուրջ Ստելլա Մեհրաբեկյանը զրուցում է Թաթուլ Հակոբյանի հետ, որը նոր է վերադարձել եվրոպական շրջայցից՝ դասախոսությունների շարք ունենալով Գերմանիայի, Ֆրանսիայի, Շվեյցարիայի, Իտալիայի մի շարք քաղաքներում։
9 դեկտեմբեր, 2019 22:06
Առողջապահության նախարար Արսեն Թորոսյանը, որը հանդես է գալիս համընդհանուր առողջապահական համակարգ ներդնելու և աշխատավարձից 6 տոկոս հարկ սահմանելու օգտին, համաձայն չէ ֆինանսների նախարար Ատոմ Ջանջուղազյանի՝ այդ համակարգի ներդրման քննադատությանը։ Ֆինանսների նախարար Ատոմ Ջանջուղազյանը շաբաթ օրը լրագրողների հետ զրույցում դեմ էր արտահայտվել Առողջապահության համապարփակ ապահովագրության հայեցակարգին՝ ասելով, որ առողջապահության հարկային բեռն ընկնում է ոչ թե տնտեսվարողների, այլ վարձու շախատողների վրա, և մեծ հաշվով բեռ է տնտեսության վրա:
8 դեկտեմբեր, 2019 18:22
- Ես կարծում եմ, որ եթե կա մի երկիր, որի վրա պատմականորեն Հայաստանն ազդել է, դա Ադրբեջանն է։ Դա տեղի ունեցավ, մասնավորապես, 20-րդ դարի սկզբին և 1980-ականների վերջին։ Հայաստանում վերջին փոփոխությունները մեծ ազդեցություն են ունեցել նաև Ադրբեջանի վրա։ Մեծ հաշվով, «հին կադրերի» դեմ Ալիևի արշավը փորձ է խլելու քաղաքական նախաձեռնությունն ընդդիմությունից, որի բողոքներն այս տարվա սկզբին ի ցույց դրեցին տարիների ընթացքում չտեսնված ուժը: Միաժամանակ, Ալիևը զիջումների է գնացել շատ քաղբանտարկյալների ազատ արձակման և սոցիալական ծախսերի ավելացման առումով։
7 դեկտեմբեր, 2019 22:41
Մինսկի կենտրոնում Բելառուսի և Ռուսաստանի «խորը ինտեգրման» դեմ ցույց է տեղի ունեցել։ Այսօր Սոչիում կայացել են Բելառուսի նախագահ Ալեքսանդր Լուկաշենկոյի և Վլադիմիր Պուտինի բանակցությունները Ռուսաստանի և Բելառուսի միութենական պետության շրջանակում տնտեսական ինտեգրման խորացման հարցերի շուրջ: Ինչպես հաղորդում է BBC-ի ռուսական ծառայությունը, Մինսկի Հոկտեմբերյան հրապարակում ցուցարարները դեմ են արտահայտվել Ռուսաստանի հետ ինտեգրմանը և հանդես եկել հանուն Բելառուսի անկախության: Նրանք չեն ցանկանում ճանաչել Ռուսաստանի և Բելառուսի ինտեգրման փաստաթղթերը, եթե երկրների առաջնորդները ստորագրեն դրանք։