Հանրային սննդի ոլորտի փորձագետ Աշոտ Բարսեղյանը ՍիվիլՆեթի Արշալույս Մղդեսյանի հետ խոսում է հակահամաճարակային սահմանափակումների հետևանքով Հայաստանում ռեստորանային բիզնեսի կորուստների մասին: Նա նշում է՝ ռեստորանային բիզնեսը կորցրել է շրջանառության 70 տոկոսը:
Հանրապետության նախագահը որոշել է չստորագրել Դատական օրենսգրքում փոփոխությունների օրենքը։ Արմեն Սարգսյանը դիմելու է Սահմանադրական դատարան՝ օրենքի փոփոխության Սահմանադրությանը համապատասխանության հարցը որոշելու խնդրանքով: Այս մասին տեղեկացնում են նախագահի աշխատակազմից։ ««Հայաստանի Հանրապետության դատական օրենսգիրք» սահմանադրական օրենքում լրացումներ և փոփոխություններ կատարելու մասին» օրենքը և հարակից օրենքները Ազգային ժողովի կողմից Հանրապետության նախագահի ստորագրմանն են ներկայացվել 2021թ. մարտի 22-ին: Հանրապետության նախագահը օրենքը քննարկել է արդարադատության նախարարի, Ազգային ժողովի պետական-իրավական հանձնաժողովի նախագահի հետ և ստացել նրանց պարզաբանումները: Օրենքը քննարկվել է նաև ԲԴԽ նախագահի, իրավաբան գիտնականների, փորձագետների և փաստաբանների, քաղաքացիական հասարակության ներկայացուցիչների հետ, լսվել են նրանց նկատառումներն ու մտահոգությունները: Հանրապետության նախագահը մեծապես կարևորում է դատաիրավական ոլորտում բարեփոխումները […]
Asbarez.com Հակառակ Միացեալ Նահանգներու արտաքին գործոց նախարարութեան ներկայացուած Անգարայի բողոքներուն՝ Կեդրոնական Քալիֆորնիոյ մէջ գործող Միացեալ Նահանգներու շրջանային ատեանը 16 Մարտին որոշեց շարունակել Թուրքիոյ իշխանութիւններուն դէմ հայր եւ զաւակ Պարգեւ եւ Կարօ Ղազարեաններու անունով բացուած դատը, որ Անգարան կ՛ամբաստանէ նշեալներուն կրօնական եւ մշակութային իրաւունքները ոտնակոխելու յանցանքով։ 2018ին բացուած դատէն ետք, Անգարա ոչ միայն կը մերժէր ստանձնել իրեն յղուած դատին փաստաթուղթերը, որոնց հիման վրայ պէտք է պատասխանէր ատեանին, այլ նաեւ կը պահանջէ, որ դատը անմիջաէս կասեցուի։ Վերջապէս, «Քերքոնեան Տաճանի» իրաւաբանական հիմնարկը անցեալ Հոկտեմբերին յաջողեցաւ արտաքին գործոց նախարարութոան միջոցաւ Թուրքիոյ յանձնել փաստաթուղթերը, որոնք ամիս մը ետք վերադարձուեցան՝ առանց պատասխանի եւ դատը կասեցնելու պահանջով։ […]
«Օտարերկրյա քաղաքացիներին Արցախ մուտքի արտոնագիր տրամադրվում է միայն ՀՀ-ում Արցախի Հանրապետության մշտական ներկայացուցչությունում։ Բացառվում է, որ մուտքի արտոնագիր ունեցող օտարերկրյա քաղաքացին չկարողանա մուտք գործել Արցախ»,- ՍիվիլՆեթի հարցմանը պատասխանել է Արցախի Հանրապետության արտաքին գործերի նախարար Դավիթ Բաբայանը: Ըստ նախարարի՝ օտարերկրյա քաղաքացիների մուտքի թույլտվության վերաբերյալ որոշումը կայացնում են Արցախի համապատասխան կառույցները՝ ՌԴ խաղաղապահ ուժերի հետ համագործակցությամբ, «քանի որ հետպատերազմական իրավիճակում նրանք կարևոր դերակատարություն ունեն տարածաշրջանում խաղաղության և կայունության ապահովման գործում»։ Փետրվարի 26-ին Բաքվում կայացած մամուլի ասուլիսին Ադրբեջանի նախագահ Իլհամ Ալիևը քննադատել էր ռուս խաղաղապահներին՝ «գաղտնի կերպով օտարերկրյա քաղաքացիներին Ղարաբաղ թողնելու համար»: Բաբայանը պնդում է, որ մուտքի արտոնագրերի տրամադրման գործընթացում Ադրբեջանը որևէ կերպ […]
ՍիվիլՆեթն ամփոփում է շաբաթն Արցախում․ Արցախի նախագահի խոսնակը հակադարձել է Բաքվում գործող «Լեռնային Ղարաբաղի ադրբեջանական համայնք»-ի ղեկավարին և ասել, որ նրանք Ստեփանակերտում գրասենյակի տեղ կարող են փնտրել միայն քարտեզի վրա։ Ավետարանոց համայքնի ղեկավար Սևակ Բաղդասարյանին մեղադրանք է առաջադրվել քաղաքացիների աջակցման շահառուների ցուցակները կեղծելու համար։ Արցախում 100 տոկոսով կփոխհատուցվեն գարնանացան մշակաբույսերի սերմացուների արժեքները։ Ստեփանակերտի շուկան՝ պատերազմից հետո․ ՍիվիլՆեթի ռեպորտաժը։
Ռուսաստանի ԱԳՆ պաշտոնական ներկայացուցիչ Մարիա Զախարովան այսօր լրագրողների հետ ճեպազրույցում հակադարձել է ԵԱՀԿ Մինսկի խմբի ամերիկացի նախկին համանախագահ Ռիչարդ Հոգլանդի հայտարարությանը։ Հոգլանդը, խոսելով Մինսկի խմբի ռուս նախկին համանախագահ Իգոր Պոպովի ավելի վաղ հարցազրույցում հնչեցրած հայտարարության մասին, որ «եթե նույնիսկ հայկական և ադրբեջանական կողմերը համաձայնեին Լավրովի պլանին, միևնույն է, ռուսական կողմը չէր գնա դրա իրականացմանը»: Tert.am կայքը հարց է ուղղել Զախարովային, թե որքանով է այդ հայտարարությունը համապատասխանում իրականությանը։ «Բացարձակապես չի համապատասխանում. Ռուսաստանը միշտ պատրաստ է եղել կարգավորման այն տարբերակին, որին կհամաձայնեին հակամարտության կողմերը։ Այս մասին բազմիցս ասել է Ռուսաստանի Դաշնության նախագահը։ Այս դիրքորոշումը որոշիչ է ռուսական համանախագահության աշխատանքում»,- ասել է Զախարովան։ […]
Ապրիլի 8-ին հայ հանրությունը և հատկապես Ադրբեջանում պահվող ռազմագերիների հարազատները ապրեցին հերթական տեղեկատվական շոկը։ Պաշտոնական աղբյուրները հաստատեցին, որ հայ ռազմագերիների հերթական օդանավն է ժամանում Երևան։ Որոշ լրատվամիջոցներ շտապեցին այն լուսաբանել։ Հենց լուսաբանման ընթացքում էլ պարզվեց, որ որևէ գերի չկա օդանավում։
